პარლამენტის რამდენიმე წევრს სესიების გაცდენის გამო ხელფასიდან თანხა დაექვითება. ამის შესახებ პარლამენტის თავმჯდომარემ, დავით ბაქრაძემ, დღეს, რიგგარეშე სხდომის დახურვამდე განაცხადა.
ბაქრაძემ იმ დეპუტატებს მიმართა, ვისაც ხელფასიდან თანხა დაექვითება და მოუწოდა - თუ მიიჩნევენ, რომ მათ უსამართლოდ მოექცნენ, შეუძლიათ საორგანიზაციო დეპარტამენტს მიმართონ.
გაცდენების გამო ხელფასი დაექვითებათ გიორგი თარგამაძეს, გიორგი გოგუაძეს, ბეჟან ხურციძეს, მაგდა ანიკაშვილს, სერგო ქიტიაშვილს, გიორგი კანდელაკს, კობა ნაყოფიას, ირაკლი ქავთარაძესა და გივი თარგამაძეს.
შეგახსენებთ, რომ რეგლამენტის მიხედვით, სესიის გაცდენისთვის დეპუტატებს ხელფასის 10% ექვითება.
