აჭარის მთავრობის გაფართოებულ სხდომაზე სამინისტროებისა და საქვეუწყებო დაწესებულების მომავალი წლის პროგრამები განიხილეს. იგი ჯანდაცის, განათლების, კულტურის, სპორტის, სოფლის მეუნეობისა და უწყებების პროგრამების გაძლიერებასა და განახლებაზე იქნება ორიენტირებული.
2012 წელს ჯანმრთელობისა და სოციალური დაცვის პროგრამების დაფინანსება 100%-ით გაიზრდება. ამ სფეროში 14 სხვადსახვა პროგრამა იმუშავებს და მათი ბიუჯეტი 4,2 მლნ ლარი იქნება. აჭარის მთავრობის ინფორმაციით, დაიწყება 1-8 კლასების მოსწავლეთა სამედიცინო გამოკვლევა, დაფინანსდება 200 000 სარეიტინგო ქულამდე ყველა ორსულის სამედიცინო მომსახურება და მშობიარობა, ასევე ონკოლოგიურ დაავადებათა მკურნალობა, გეგმიური ჰოსპიტალიზაცია და ტრამვატოლოგიური დახმარება. მოიმატებს გულის ქირურგიის პროგრამის ბიუჯეტიც.
რეგიონის სკოლების მშენებელობა-რეაბილიატაციისა და განათლების ხარისხის ამაღლებაზე ზრუნვა მომავალ წელსაც გაგრძელდება. მომავალ წელს აჭარის ხუთივე მუნიციპალიტეტეში აშენდება 4 ახალი სკოლა და გარემონტდება - 5. მაღალმთიანი აჭარისთვის კონკურსით შეირჩევა 30 უცხო ენის მცოდნე მაღალკვალიფიციური მასწავლებელი.
2012 წლის ბიუჯეტში პრიორიტეტული ადგილი უკავია სოფლის მეურნეობის პროგრამებს. წელს დაწყებული პროგრამა გაგრძელდება და ფერმერებს თანადაფინანსების პრონციპით კიდევ 1 მლნ ლარის ტექნიკა გადაეცემათ. ამავდროულად, ამოქმედდება სანერგე მეურნეობა, რომელიც სოფლის მოსახლეობას ჯიშობრივად გაუმჯობესებული ნერგებით უზრუნველყოფს.
ასევე იგეგმება 54 ერთეული გზის შეკეთება, მოასფალტება და ხიდების რეაბილიტაცია. გარდა ამისა, მთავრობის გადაწყვეტილებით შეიქმნება ახალი ლაბორატორია, რომელიც მშენებლობების ხარისხს შეამოწმებს.