2015 წელს დაგეგმილი 5 მილიონი ტურისტის მისაღებად ქვეყანაში ინფრასტრუქტურის განვითარებაა საჭირო, - ამის შესახებ საქართველოს ეკონომიკისა და მდგრადი განვითარების მისნიტრტმა ვერა ქობალიამ სასტუმრო "ჰოლიდეი ინშ"ი ტურიზმის ეროვნული სააგანტოს მიერ წლის დასკვნით ღონისძიებაზე ჟურნალისტებს განუცხადა.
მისი თქმით, მნიშვნელოვანია სასტუმროები არა მარტო თბილისში, არამედ რეგიონებშიც აშენდეს.
"ტურისტებისგან მოთხოვნა არის 2 და 3-ვარსკვლავიან სასტუმროებზე. ჩვენ გვაქვს მზა პაკეტები და ვგეგმავთ რომ ის ბიზნემსნებს შევთავაზოთ", - განაცხადა ქობალიამ.
თავის მხრივ, 2011 წელი შეაჯამა ტურიზმის ეროვნული სააგენტოს დირექტორმა მაია სიდამონიძემ და აღნიშნა რომ 26 დეკემბრის მონაცემებით, საქართველოში 2 მილიონ 756 ათას 669 ვიზიტორი შემოვიდა, რაც ჯამში 39-პროცენტიანი მატებაა.
რაც შეეხება სამომავლო პროგნოზებს, სიდამონიძის თქმით, 2012 წელს ქვეყანაში დაახლოებით 3,5 მილიონი ტურისტი შემოვა და შესაბამისად ზრდა 27 პროცენტი იქნება.
შემაჯამებელ ღონისძიებას საქართველოს პრემიერ-მინისტრი ნიკა გილაურიც ესწრებოდა.
