საბურთალოს "გუდვილს" მალე შეუერთდება OVS- სა და COLLEZIONE-ის მაღაზიები, LOTTO, გო ელექტრონიკსი, ლუტეცია, ბიბლუსი, ზარაფხანა, ფეხსაცმლის ბრენდ მაღაზიები, დეკორის მაღაზია CREATIVE HOME, თიბისი ბანკი, ჯეოსელი და სხვა..

კომპანიის მენეჯმენტის ინფორმაციით, "გუდვილის" მეორე ჰიპერმარკეტში 300-მდე ადამიანი დასაქმდა, თითოეულმა მათგანმა რამდენიმე კვირიანი კვალიფიკაციის ასამაღლებელი კურსი გაიარა იმისთვის, რომ მომხმარებელს უმაღლესი ხარისხის მომსახურება მიეღო. დასაქმებულებს შორისაა მერიის დასაქმების პროგრამით შერჩეული რამდენიმე კადრიც.

რიგით მეორე ჰიპერმარკეტის გახსნას დედაქალაქის მერი გიგი უგულავაც დაესწრო, რომელმაც აღნიშნა, რომ "გუდვილი" საკმაოდ წარმატებული კომპანიაა და საბურტალოზე ჰიპერმარკეტის გახსნით კომპანიამ დამატებით 300 ახალი სამუშაო ადგილი გახსნა. როგორც გიგი უგულავამ განმარტა, 2012 წლისთვის "გუდვილი" გლდანში, ახმეტელის მეტროს მიმდებარე ტერიტორიაზეც გაიხსნება.

"გუდვილის" მენეჯმენტის განმარტებით, ჰიპერმარკეტი მომსხმარებელს ძალიან ბევრ სერვისს და რაც მთავარია ხარისხიან პროდუქციას შესთავაზებს.
"უკვე მერვე წელია, რაც "გუდვილი" საქართველოს რითეილ ბაზრის ლიდერი კომპანიაა. ამ სტატუსს ჩვენ დიდი პასუხისმგებლობით ვეკიდებით. სწორედ ამიტომ ვცდილობთ ვიყოთ დარგში ინოვატორები, ვაწარმოოთ საქმიანობა მომხმარებელთა, თანამშრომელთა და საზოგადოების ინტერესების გათვალისწინებით. სწორედ საზოგადოების ინტერესია ის მთავარი მოტივატორი, რომელიც ჩვენი საქმიანობის ფორმულირებას გვკარნახობს. მომხმარებლის მოთხოვნის პასუხია ის, რომ ბოლო 2 თვის განმავლობაში უკვე მეორე გრანდიოზულ პროექტს ვახორციელებთ. საბურთალოს "გუდვილი" ასახავს იმ მისიას, რომელიც ჩვენ, როგორც ლიდერ კომპამნიას გვაკისრია.როგორც აქამდე იყო მიჩვეულიმომხმარებელი "გუდვილისგან" საინტერესო ინიციატივებს, უმაღლესს ხარისხს, უწყვეტ პროდუქტს, მომსახურეობის მაღალ სერვისს და ყველა იმ ბენეფიტს, რის გამოც "გუდვილის" ლოიალურ მომხმარებელთა რისხვი უკვე 90 ათასს აჭარბვებს, მეორე ჰიპერმარკეტის გახსნის შემდეგ რა თქმა უნდა ყველა ეს ბენეფიტი შენარჩუნდება და განვითარდება.

საბურთალოს მოსახლეობა "გუდვილის" ძირითადი მომხმარებელია. ისინი განსაკუთრებით მგრძნობიარენი არიან შეთავაზებული ხარისხისა და სერვისის მიმართ. შესაბამისად, ჩვენც მაქსიმალურად ვცდილობთ დავახვედროთ თანამედროვე სავაჭრო ცენტრი, სადაც მიიღებენ ყველა იმ სარგებელს, რომელიც მსოფლიო სტანდარტებს შეესაბამება. მრავალფეროვანი ასორტიმენტი - მორგებული ყველა საფასო სეგმენტზე, მოწესრიგებული აღრიცხვიანობის სისტემა, ევროსტანდარტების შესაბამისი ინფრასტრუქტურა, ISO 9001:2008 HACCP გამყარებული წარმოებისა თუ მიწოდების ხარისხი. მომხმარებლის ლოიალური ბარათი, კორპორატიული გაყიდვების სერვისი და სხვა. ჰიპერმარკეტის პარკინგი 300 მანქანაზეა გათვლილი - მსგავს ტევადობის თბილისში თქვენ ვერსად შეხვდებით",- განაცხადა "გუდვილის" გენერალურმა დირექტორმა მიხეილ ჩარკვიანმა.