ტურიზმის ეროვნული სააგენტოს ინფორმაციით, 2012 წლისთვის სააგენტოს ძირითადი მიმართულებები იქნება რებრენდინგი; ვებ -მარკეტინგი; სეზონური სარეკლამო კამპანიები შიდა და საერთაშორისო მიზნობრივ ბაზრებზე, ახალი ტურისტული პროდუქტები და მიმართულებები: ღვინის, სათავგადასავლო, საკრუიზო, სამონადირეო, სამედიცინო და მაის ტურიზმი; ინფრასტრუქტურა: 12 ახალი საინფორმაციო ცენტრი; საერთაშორისო სტანდარტების კვალიფიკაციის ასამაღლებელი სასწავლო ცენტრის შექმნა; ტურიზმის ბიბლიოთეკის შექმნა და ასევე ტურიზმის სფეროში დასაქმების პორტალის შექმნა.
2011 ტურიზმის ეროვნული სააგენტოს მიერ წელს რამდენიმე პროექტი განხორციელდა, მათ შორის საერთაშორისო გამოფენა-ბაზრობებში მონაწილეობა; პრეს და გაცნობითი ტურების ორგანიზება; კომპლექსური სარეკლამო კამპანიები მიზნობრივბაზრებზე; ახალი ტურისტული პროდუქტის შექმნა და მისი პოპულარიზაცია; შიდა ტურიზმის პოპულარიზაციის მიზნით, სხვადასხვაპ როექტებისა და მარკეტინგული ღონისძიებების განხორციელება; ტურიზმის სფეროში მომსახურების ხარისხის გაუმჯობესების მიზნით, ზოგადი და პროფესიული განათლების პროექტების განხორციელება; ტურიზმის საინფორმაციო ცენტრების ქსელის შექმნა; მცირე ტურისტული ინფრასტრუქტურის განვითარება და სტატისტიკური კვლევებიტურიზმი
2011 წლის განმავლობაში საქართველომ მონაწილეობა მიიღო ტურიზმის 20 საერთაშორისო და ადგილობრივ გამოფენაში.
საქართველო წელს პირველად იყო წარმოდგენილი დუბაის ATM, აშშ-სა Cruise and Shipping და ბარსელონას EIBTM გამეფენებზე (უკანასკნელი ორიენტირებული იყო საკრუიზო და MICE (Meetings, Incentives, Conferences, Exhibitions) ტურიზმზე).
ტურიზმის ეროვნული სააგენტოს ინფორმაციით, 2011 წელს ჩატარდა 22 პრეს და გაცნობით ტური, 259 ტუროპერატორი და მედიის წარმომადგენელი ესტუმრა საქართველოს სხვადასხვა ქვეყნიდან: მათ შორის ჰოლანდიიდან, ლატვიიდან, ლიტვადან, ესტონეთიდან, უკრაინადან, აშშ-დან, დიდი ბრიტანეთიდან, საფრანგეთიდან, გერმანიიდან, სომხეთიდან, აზერბაიჯანიდან, რუსეთიდან, ყაზახეთიდან, ისრაელიდან და სხვა.
საქართველოს სარეკლამო და საიმიჯო კლიპები ტრიალებდა 5 ქვეყანაში (ირანი, ყაზახეთი, აზერბაიჯანი, სომხეთი და ბელორუსია).
სააგენტოს ინფორმაციით, საქართველოს დღეების ტურნე „საქართველო მოდის შენთან" 5 ქვეყანაში გაიმართა (აზერბაიჯანი, სომხეთი, პოლონეთი, უკრაინა, ლატვია).
ტურნეს ფარგლებში აღნიშნულ ქვეყნებში მოეწყო საქართველოს ტურისტული პოტენციალის ამსახველი ფოტო და ხელ ნაკეთი სუვენირების გამოფენები, ქართული ღვინის დეგუსტაცია, ქართული თანამედროვე და ფოლკლორის კონცერტები. მოეწყო საქართველოს ტურიზმის კუთხეც, სადაც დაინტერესებულ პირებს დაურიგდათ საქართველოს სარეკლამო მასალა.
ასევე კალათბურთის ჩემპიონატის ფარგლებში ლიტვაში განხორციელდა საქართველოს კომპლექსური სარეკლამო კამპანია. კამპანიის ფარგლებში კლაიპედასა და ვილნიუსში გაიხსნა საქართველოს ტურიზმის საინფორმაციო ცენტრები. ქალაქის მთავარ ქუჩებზე განთავსდა საქართველოს სარეკლამო ბილბორდები, ხოლო გარე ეკრანებზე ტრიალებდა საქართველოს სარეკლამო კლიპი „ზაფხული საქართველოში".
2011 წლის განმავლობაში განხორციელდა საქართველოს სამთო-სათხილამურო კურორტების რეკლამა მიზნობრივ ბაზრებზე.
