აკადემქალაქის ტერიოტორიაზე ავსტრიული კომპანია მრავალფუნქციური კომპლექსის მშენებლობას იწყებს. პროექტი საცხოვრებელ ბინებს, სასტუმროს, ოფისებსა და სხვა ობიექტებს აერთიანებს. პროექტის პრეზენტაციას თბილისის მერი დაესწრო.
"აკადემქალაქი უგემოვნო მშენებლობის სიმბოლოდ ითვლებოდა. ეს მშენებლობა არა მარტო აქ, არამედ თბილისში, დარწმუნებული ვარ, კონკურენციას გაუწევს ყველა საუკეთესო და თანამედროვე ახალ მშენებლობას. სულმოუთქმელად ველოდებით, როცა მშენებლობა დასრულდება და დამატებითი 150-200 სამუშაო ადგილები შექიმნება. სამუშაოს პერიოდში კი 250-იდან 300-მდე ადამიანი იმუშავებს. ესეც, რა თქმა უნდა, ძალიან მნიშვნელოვანი სტიმული და სიახლეა", - განაცხადა გიგი უგულავამ.
კონცეფციის შესამუშავებლად საერთაშორისო კონკურსი იყო გამოცხადებული. სამშენებლო სამუშაო 3 წლის განმავლობაში გაგრძელდება.