2011 წლის განმავლობაში ბიზნესმენთა 0,2%-ს, საბიუჯეტო ორგანოებთან კორუფციული ხასიათის შემთხვევა ქონდა. როგორც "ეისითის" მიერ ბიზნესის პრობლემებზე ჩატარებულ "ბიზნეს გარემოს კვლევაში" აღნიშნული, 2011 წლის განმავლობაში გამოკითხულ ბიზნესმენთა 0,2%-ს ჰქონია კორუფციული ხასიათის შემთხვევა საბიუჯეტო ორგანოებთან შეხებისას, ხოლო ასეთი შემთხვევების შესახებ გამოკითხული კომპანიების მხოლოდ 2%-ს სმენია
"კორუფცია, რომ არ არის საქართველოში განსაკუთრებით საგადასახადო-საბაჟო სფეროში ეს სიახლე არ არის. აღნიშნული გამოკითხვა კიდევ ერთი დადასტურება ამისა. უბრალოდ შარშან იგივე კითხვაზე, არის თუ არა კორუფცია, დადებით პასუხს 2 %-ი იძლეოდა, ხოლო 10 %-ს კორუფციის შესახებ ქონდა მოსმენილი. ანუ შეგრძნება მაინც ცუდი იყო. წელს კი კორუფციის მაჩვენებელმა დაიწია და 0,2 %-ი არის ფაქტი და 2 %-ის მხოლოდ სმენია კორუფციის შესახებ"- განმარტა ბიზნესომბუდსმენმა გიორგი პერტაიამ.
კვლევის მიხედვით ირკვევა, რომ კომპანიების 11% მიიჩნევს, რომ არ არის დაცული, ხოლო 45% აზრით მისი საქმიანობა ქვეყანაში დაცულია. გამოკითხულთა 43%-ი კი მეტ-ნაკლებად დაცულად მიიჩნევს თავს. რაც შეეხება კვლევას რეგიონებისა და ქალაქების მიხედვით, თბილისში განლაგებული კომპანიების 13 %-ის აზრით, მათი საქმიანობა დაცული არ არის, 49 %-ის აზრით მათი საქმიანობა მეტ-ნაკლებად დაცულია, ხოლო კომპანიათა 38 %-ის აზრით მათი საქმიანობა დაცულია.
რაც შეეხება აჭარას, გამოკითხული კომპანიების 5 %-ის აზრით მათი საქმიანობა დაცული, 46 %-ის აზრით მათი საქმიანობა მეტ-ნაკლებად დაცულია, ხოლო 49 %-ი მიიჩნევს, რომ მათი საქმიანობა სრულად არის დაცული.
"ბიზნეს გარემოს კვლევის" მიხედვით ირკვევა, რომ იმპორტის დროს პრობლემას იმპორტიორი კომპანიების 7% აფიქსირებს, აქედან 52% - სასაქონლო ნომენკლატურის კოდებთან დაკავშირებით. ხოლო ექსპორტის დროს პრობლემებს კომპანიები მხოლოდ ერთეულ შემთხვევებში აფიქსირებენ.
"მთლიანობაში ამ კვლევის მაჩვენებლების უმეტესობას ვეთანხმებით. ჩვენთანაც ერთი-ერთზე შეხვედრისას ოპტიმისტურ განწყობას აფიქსირებენ. უმეტესობა მიიჩნევს, რომ არსებული პრობლემებისა მაინც აპირებენ მომავალ წელს გაფართოებას. ამ კვლევის თანახმად, კვლევის მთავარი მიგნება არის ის, რომ 51 %-ი მომავალ წელს გაფართოებას აპირებს. ეს 51 %-ი რათა თქმა უნდა ზუსტი ვერ იქნება, თუმც რეალურად ამ 51 %-ში არის ის შეგრძნება რომ მომავალ წელს უნდა და აპირებს გაფართოებას. ანუ პოზიტიური განწყობა აქვს"- აცხადებს პერტაია.
კვლევის მიხედვით ირკვევა, რომ 2011 წელს კომპანიების 76% იგივე დონეზე დარჩა ან გაფართოვდა/გაიზარდა. გამოკითხული კომპანიების 51,2%, 2012 წლისთვის საქმიანობის გაფართოებას წარმოების/მომსახურების ზრდით გეგმავს.
გამოკითხვის მიხედვით ირკვევა, რომ ბიზნესომბუდსმენს ენდობა ან მეტ-ნაკლებად ენდობა გამოკითხულ კომპანიათა 82%, ხოლო მისი ცნობადობა დაახლოებით 70% ს უტოლდება
აღსანიშნავია, რომ "ეისითის" მიერ მომზადებული კვლევის სამიზნე ჯგუფებს წარმოადგენდნენ: მცირე კომპანიები - 500 000 ლარამდე; საშუალო კომპანიები - 500 000 დან - 1 500 000 ლარამდე; მსხვილი კომპანიები - 1 500 000 ლარზე მეტი. სამიზნე რესპონდენტი კი კომპანიის დამფუძნებლები, დირექტორები ან ფინანსური დირექტორები იყვნენ.
შეგახსენებთ, რომ აღნიშნული კვლევა წარმოადგენს ბიზნეს ომბუდსმენისა და "ეისითი"-ს ერთობლივ პროექტს, რომელმაც გამოავლინა ბიზნესის განვითარების ძირითადი ტენდენციები და პრობლემური საკითხები 2011 წლის განმავლობაში, ასევე, შეაფასა ბიზნეს ომბუდსმენის ინსტიტუტის ცნობადობა და მისდამი ნდობის ხარისხი.
ანალოგიური კვლევიას პრეზენტაცია 28 დეკემბერს 16.00 საათზე, სასტუმრო "თბილისი მერიოტში" საქართველოში აკრედიტებული დიპლომატიური კორპუსისათვისაც გაიმართება.