ეკონომიკისა და მდგრადი განვითარების სამინისტრო ,,თბილისის ცენტრალური საავადმყოფოსთვის" ინვესტორს ეძებს. ,,თბილისის ცენტრალური საავადმყოფოს" გასხვისება ელექტრონულ აუქციონზე იგეგმება, რომლის რეალიზაციაც 17 იანვრისთვის ჩანიშნულ აუქციონზე იგეგმება. ობიექტის საწყისი ღირებულება 1 მლნ 50 ათასი ლარია.
აუქციონში გამარჯვებული, ვალდებულია საპრივატიზებო საფასურის 20%-ი ელექტრონული აუქციონის დასრულებიდან 30 კალენდარული დღის ვადაში გადაიხადოს, ხოლო დარჩენილი 80%-ის - 2012 წლის პირველ დეკემბრამდე დაფაროს.
ინვესტორი ვალდებული ასევე საპრივატიზებო ობიექტი აფუნქციონიროს სამედიცინო პროფილით 2012 წლის 1 მაისიდან შემდგომი 7 წლის განმავლობაში; მყიდველი ვალდებულია ასევე სამედიცინო პერსონალი სულ მცირე, ერთი თვის ვადით დასაქმოს.
შპს ,,თბილისის ცენტრალური საავადმყოფოს" კაპიტალი შეადგენს 1 676 637,40 ლარს; დებიტორული დავალიანება - 01.10.2011 წლის მდგომარეობით 70 207 ლარს; კრედიტორული დავალიანება - 01.10.2011 წლის მდგომარეობით 826 494 ლარს.
მეწარმეთა და არასამეწარმეო (არაკომერციული) იურიდიული პირების რეესტრის, ასევე ძირითადი ქონების საჯარო რეესტრის ამონაწერებში დაფიქსირებული საგადასახადო გირავნობა/იპოთეკა წარმოშობილია ბიუჯეტის მიმართ არსებული 80 306 ლარის დავალიანების გამო, რაც ასახულია შპს "თბილისის ცენტრალური საავადმყოფოს" კრედიტორულ დავალიანებაში, ასევე სს ,,თელასთნ" მიღწეული შეთანხმების თანახმად, 434 851 ლარის დავალიანების დაფარვა განხორციელდება 2012 წლის პირველი აპრილიდან შემდგომი 5 წლის განმავლობაში.