"ელიტ ელექტრონიქსმა" კომპანია "Haier"- თან ექსკლუზიური ხელშეკრულება გააფორმა, რომლის საფუძველზეც "ელიტ ელექტრონიქსი" საქართველოში "Haier"-ის საყოფაცხოვრებო ტექნიკის ოფიციალური წარმომადგენელი გახდა. კომპანიის მენეჯმენტის ინფორმაციით, აღნიშნული ხელშეკრულების გაფორმება "ელიტ ელექტრონიქსის" ფართო სავაჭრო ქსელმა და მომსახურების მაღალმა დონემ განაპირობა.
"Haier-ი საყოფაცხოვრებო ტექნიკის მწარმოებელი გლობალური ბრენდია, რომელიც მსოფლიოს მასშტაბით, სარეცხი მანქანების ბაზრის 7 %-ს, ღვინის მაცივრების ბაზრის 11 %-ს, მაცივრების ბაზრის 10 %-ს ფლობს. Haier-ი აწარმოებს ყველა იმ ტექნიკას, რაც თქვენ საყოფაცხოვრებო მოხმარებისათვის გჭირდებათ. ჩვენს ორიგინალურობას მსოფლიო ბაზარზე განაპირობებს ის, რომ Haier-ი ინვესტირებას ახდენს კვლევებსა და განვითარებაში. Haier-ი ყოველწლიურად 1500 ბრენდს აპატენტებს და მინდა ავღნიშნო, რომ ინოვაციის სფეროში ჩვენ ძალიან ბევრი ჯილდო გვაქვს მოპოვებული. ჩვენ ვართ ნომერ 1 გლობალური ბრენდი, თუმც ევროპაში ჯეროვნად არ ვართ შემოსული. 2 წლის უკან კომპანიამ მიიღო გადაწყვეტილება, რომ უახლოეს პერიოდში ევროპის ბაზარი მთლიანად აეთვისებინა. ჩვენი ამბიციაა, რომ ევროპაში წამყვანი ბრენდების ხუთეულში შევიდეთ.
რაც შეეხება ქართულ ბაზარს ამ ეტაპზე პროდუქციის სრული ასორტიმენტით წარმოდგენილები არ ვართ, თუმცა მომავალი წლიდან ვგეგმავთ, რომ "ელიტ-ელექტრონისის" საშუალებით მომხმარებლებს სრული ასორტიმენტი შევთავაზოთ"- განმარტა "Haier-ის გენერალურმა მენეჯერმა პატრიკ დრუგეონმა.
"ელიტ-ელექტრონიკსმა" ბაზარზე კიდე ერთი მაღალი დონის ბრენდი შემოიყვანა. კომპანია წარმოდგენილია 160 ქვეყანაში, დღეიდან ის საქართველოშიც შემოვიდა და მისი პროდუქცია „ელიტ-ელექტრონიქსის" ქსელში გაიყიდება. Haier-ი აღჭურვილია მაღალი ტექნოლოგიებით და მის განვითარებაში ჩართულები არიან მსოფლიოს ყველაზე ძლიერი ინჟინრები. Haier-ს ახასიათებს ხელმისაწვდომი ფასები. ქართველ მომხმარებელს შეეძლება ხელმისაწვდომ ფასად Haier-ის მაღალი დონის ტექნიკა შეიძინოს"- განაცხადა "ელიტ-ელექტრონიქსის" ვიცე-პრეზიდენტმა ნიკო მაგალიმ.
აღსანიშნავია, რომ ტრანსნაციონალური კომპანია "Haier" 1984 წელს დაარსდა, რომელიც დღესდღეობით ერთ-ერთი უმსხვილესი კომპანიაა მსოფლიოში საყოფაცხოვრებო ტექნიკის მიმართულებით. კომპანიის მიერ წარმოებული ტექნიკის ხარისხი და დიზაინი განაპირობებს მის პოზიციას მსოფლიო ბაზარზე.
2004 წელს მსოფლიო ბრენდების კვლევითმა ორგანიზაცია "world brand laboratory"-მ გამოაქვეყნა მსოფლიოს ყველაზე ძლიერი ბრენდების სია, პირველ ათეულში "Haier" შევიდა.
"Haier"-ს პროდუქცია მსოფლიოს 160 ქვეყანაში იყიდება და მათ დღეიდან საქართველოც დაემატებათ. კომპანიის მიერ წარმოებული ტექნიკის ხარისხი და დიზაინი განაპირობებს მის მაღალ პოზიციას მსოფლიო ბაზარზე.
"ელიტ ელექტრონიქსის" მენეჯმენტი აცხადებს, რომ "Haier"-ის საყოფაცხოვრებო ტექნიკა "ელიტ ელექტრონიქსის" მთელს ქსელში გაიყიდება, ნებისმიერი მომხმარებლისთვის მისაღებ ფასად.
"ჩვენი მიზანია მომხმარებელს შევთავაზოთ საუკეთესო მომსახურება, პროდუქციის დიდი არჩევანი და უკეთესი ფასები"- აცხადებენ კომპანიაში.