"თავისუფალი ვაჭრობისა და კონკურენციის სააგენტო" და სახელმწიფო შესყიდვების სააგენტო ერთიანდება. საქართველოს პრეზიდენტის №829 ბრძანებულების მიხედვით, მათ ბაზაზე კონკურენციისა და სახელმწიფო შესყიდვების სააგენტო შეიქმნება.
ბრძანებულების მიხედვით, 2012 წლის 1-ელ იანვრამდე რეორგანიზებულ იქნეს საჯარო სამართლის იურიდიული პირი - სახელმწიფო შესყიდვების სააგენტო და საჯარო სამართლის იურიდიული პირი - თავისუფალი ვაჭრობისა და კონკურენციის სააგენტო.
"სახელმწიფო შესყიდვების სააგენტოსა და თავისუფალი ვაჭრობისა და კონკურენციის სააგენტოს რეორგანიზაციის საფუძველზე შეიქმნას დამოუკიდებელი საჯარო სამართლის იურიდიული პირი - კონკურენციისა და სახელმწიფო შესყიდვების სააგენტო, რომელიც ჩაითვალოს საჯარო სამართლის იურიდიული პირის - სახელმწიფო შესყიდვების სააგენტოსა და საჯარო სამართლის იურიდიული პირის - თავისუფალი ვაჭრობისა და კონკურენციის სააგენტოს უფლებამონაცვლედ", - ნათქვამია ბრძანებულებაში.
2012 წლის 1-ელ იანვრამდე კონკურენციისა და სახელმწიფო შესყიდვების სააგენტოს დებულების დამტკიცება და კანონმდებლობით გათვალისწინებული სხვა შესაბამისი ღონისძიებების განხორციელება უნდა უზრუნველყოს.