პოლიტიკური პარტიების დაფინანსების წესის შესახებ და საარჩევნო კოდექსში ცვლილებები პარლამენტმა დღეს, რიგგარეშე სხდომაზე, პირველი მოსმენით დაამტკიცა.
"მოქალაქეთა პოლიტიკური გაერთიანებების შესახებ" კანონპროექტით, ახლებურად რეგულირდება პარტიების დაფინანსების საკითხი, წესდება ახალი შეზღუდვები, იურიდიულ პირებს პარტიების დაფინანსება ეკრძალებათ, პარტიებთან დაკავშირებული შეზღუდვები პარტიებთან ასოცირებულ იურიდიულ პირებსაც დაუწესდებათ და სხვა.
რაც შეეხება "საარჩევნო კოდექსში" ცვლილებებს, მასში მთელი რიგი საარჩევნო პროცედურები ახლებურად რეგულირდება, ბრუნდება "დამოუკიდებელი კანდიდატურის" ცნება, რაც არაპარტიულ კანდიდატებს მაჟორიტარულ არჩევნებში მონაწილეობის უფლებას აძლევს.