ბილაინს საქართველოში ახალი გენერალური დირექტორი ჰყავს. ბილაინის ახალი გენერალური დირექტორი სერგეი ზაკურაევი დაინიშნა, რომელმაც ამ პოსტზე ანდრეი პიატახინი შეცვალა.
ანდრეი პიატახინი ვიმპელკომის სათაო ოფისში ერთ-ერთ ვიცე- პრეზიდენტად დაინიშნა. ბილაინის ახალი გენერალური დირექტორის პირველი შეხვედა ჟურნალისტებთან 21 დეკემბერს, 13.00 - ზე სასტუმრო "რედისონ ბლუ ივერიაში" გაიმართება.
"გასული ორი წლის განმავლობაში ბილაინმა საქართველოში ბიზნესის განვითარების კუთხით დიდ წარმატებას მიაღწია. აქტიური სააბონენტო ბაზა და კომპანიის შემოსავალი ორჯერ გაიზარდა, ხოლო მთლიანი მოგება თითქმის სამჯერ. ამას გარდა ქვეყანაში მნიშვნელოვნად გაფართოვდა დაფარვის ზონა, დაიფარა თუშეთი, სვანეთი, მნიშვნელოვნად გაუმჯობესდა სიგნალი თითქმის ყველა მთავარ ტრასაზე.
განხორციელდა ისეთი რთული პროექტები როგორიც არის Mobile Number Portability, ( პორტირება) მობილური ნომრების თორმეტნიშნაზე გადასვლა, პირველად კავკასიაში უახლესი ტექნოლოგიის მე 4 თაობის ინტერნეტის შესაძლებლობების დემონსტრირება.
მე დარწმუნებული ვარ, რომ სერგეის გამოცდილება და ცოდნა დაეხმარება ღირსეულად გააგრძელოს ჩვენი ბიზნესის პოზიტიური დინამიკა და გაამყარებს ბილაინის პოზიციებს საქართველოს ბაზარზე."აცხადებს ვიმპელკომის ვიცე პრეზიდენტი ბიზნესის განვითარების მიმართულებით დიმიტრი კრომსკი.
"ბილაინი საქართველოში ახალგაზრდა,მაგრამ წარმატებული მობილური ოპერატორია. ბაზარზე ორი მსხვილი მოთამაშეებთან კონკურენციის პარალელურად, დინამური განვითარებისთვის ჩვენთვის აუცილებალია ფოკუსირება მომხმარებლის მოთხოვნებზე,პროგრესული ბიზნესს გადაწყვეტილებების დანერგვა და გამოვიყენოთ კრეატიული მიდგომა. დარწმუნებული ვარ იმ გუნდდთან ერთად,რომელმაც დასაწყისში უკვე უზრუნველყო კომპანიის წარმატება ჩვენ ბევრს მივაღწევთ." აღნიშნა სერგეი ზაკურაევმა.
