რუსეთის პრემიერ-მინისტრი ვლადიმერ პუტინი აცხადებს, რომ საბჭოთა კავშირის შენარჩუნებისათვის ბრძოლა ბოლომდე უნდა წარმართულიყო. მისივე თქმით, აუცილებელი იყო "თანამიმდევრულად, დაჟინებით და უშიშრად" ბრძოლა საბჭოთა კავშირის დაშლის წინააღმდეგ და არაფრით არ შეიძლებოდა მისი დაშლა დაშვებულიყო.
"რას გავაკეთებდი? საჭირო იყო საბჭოთა კავშირში დროულად დაწყებულიყო ეკონომიკური გარდაქმნები და რეფორმები და დემოკრატიული წარმონაქმნებით გამყარებულიყო ქვეყანაში. საჭირო იყო თანამიმდევრულად, დაჟინებით, უშიშრად, ქვიშაში თავის ჩაურგველად გვებრძოლა ჩვენი სახელმწიფოს ტერიტორიული მთლიანობისათვის', _ განაცხადა ვლადიმერ პუტინმა კითხვაზე პასუხის გაცემისას, თუ რას გააკეთებდა იგი საბჭოთა კავშირის დაშლის დროს ხელისუფლების სათავეში რომ მდგარიყო.
