პარლამენტის დიასპორისა და კავკასიის საკითხთა კომიტეტის თავმჯდომარე ნუგზარ წიკლაური, ტერიტორიული მთლიანობის აღდგენის საკითხთა დროებითი კომისიის თავმჯდომარე შოთა მალაშხია და პარლამენტის წევრი გიორგი იმნაძე "ახალგაზრდობა მშვიდობიანი კავკასიისთვის" პროექტში მონაწილე ახალგაზრდებს შეხვდნენ. პარლამენტში დღეს გამართული შეხვედრის მთავარი თემა მშვიდობიანი კავკასია და საერთო კავკასიური ინტერესები იყო.
წიკლაურის განცხადებით, კავკასიური სოლიდარობის იდეითა და კავკასიურ დიალოგში ჩართვის სურვილით ახალგაზრდების დაინტერესება მისასალმებელია.
შოთა მალაშხიამ კი რეგიონში სხვადასხვა დროს განხორციელებული აგრესიისა და ეთნოწმენდის საკითხებზე ისაუბრა.
ახალგაზრდებმა აღნიშნულ საკითხებთან დაკავშირებით თავიანთი მოსაზრებები გამოთქვეს.
