"თბილისის ცენტრალური საავადმყოფოს" მყიდველი არ გამოუჩნდა. ეკონომიკისა და მდგრადი განვითარების სამინისტროს ობიექტი დღეს უნდა გაეყიდა, თუმცა ყიდვის სურვილი ოფიციალურად არავის დაუფიქსირებია.
ობიექტის საწყისი ღირებულება 1 მლნ. 700 ათას ლარს შეადგენდა.
"თბილისის ცენტრალური საავადმყოფოს" კაპიტალი 7.11.2011 წლის მდგომარეობით 1 676 637,40 ლარს, დებიტორული დავალიანება 01.10.2011 წლის მდგომარეობით 70 207 ლარს, კრედიტორული დავალიანება 01.10.2011 წლის მდგომარეობით 826 494 ლარს შეადგენს.
პირობებიანი აუქციონის თანახმად, მყიდველი ვალდებული იყო, საპრივატიზებო საფასურის 20% ელექტრონული აუქციონის დასრულებიდან 30 კალენდარული დღის ვადაში გადაეხადა, ხოლო დარჩენილი 80% - ელექტრონული აუქციონის დასრულებიდან 8 თვის განმავლობაში. მყიდველი ვალდებული იყო ასევე 2012 წლის 1-ლი მარტიდან შემდგომი 7 წლის განმავლობაში სამედიცინო დაწესებულებისათვის პროფილი შეენარჩუნებინა.