დეპუტატები მაჭახელას ეროვნული პარკის შექმნაზე მსჯელობენ.
მაჭახელას ეროვნული პარკი შეიქმნება ხელვაჩაურისა და ქედის მუნიციპალიტეტების ადმინისტრაციული საზღვრების ფარგლებში მოქცეულ სახელმწიფო ტყის ფონდის მიწებზე, საერთო ფართობით 8 733 ჰექტარი.
პარლამენტში შესულია "მაჭახელას ეროვნული პარკის შესახებ" კანონპროექტი, რომელიც არეგულირებს მაჭახელას ეროვნული პარკის შექმნას და მასთან დაკავშირებულ სამართლებრივ საფუძვლებს.
"მაჭახელას ეროვნული პარკის შესახებ" კანონპროექტის ავტორების აზრით, ამ პროექტის მიღება დადებით გავლენას იქონიებს ბიუჯეტის საშემოსავლო ნაწილზე, ვინაიდან, იგი ხელს შეუწყობს მაჭახელას ხეობაში ტურისტულ-რეკრიაციულ ინფრასტრუქტურის განვითარებასა და რეკრიაციული პოტენციალის სრულად გამოყენებას.
ამ კანონპროექტს პარლამენტი უახლოეს სესიაზე განიხილავს.