AGRI LNG Project Company SRL შესაბამის განცხადებების მიღებას 2012 წლის 19 იანვრამდე გააგრძელებს. ინდივიდუალური პრეზენტაციები გაიმართება 16 თებერვალს, კონტრაქტი კი 2012 წლის 4 მარტს გაფორმდება.

როგორც ცნობილია აზერბაიჯანი-საქართველო-რუმინეთის ინტერკონექტორის პროექტს (AGRI) უნგრეთი უკვე შეუერთდა.

2011 წლის 14 თებერვალს ბუქარესტში მინისტერიალი გაიმართა, სადაც პროექტის მონაწილე ქვეყნების ენერგეტიკის მინისტრებმა ხელი მოაწერეს დოკუმენტს უნგრული კომპანია MVM-ს პროექტის განმახორციელებელ კომპანიასთან მიერთების შესახებ.

მინისტერიალზე განიხილეს რამდენიმე მნიშვნელოვანი საკითხი გათხევადებული გაზის პროექტის "AGRI"-ის განხორციელებასთან დაკავშირებით, კერძოდ, განისაზღვრა შემდგომი ნაბიჯები პროექტის ტექნიკურ-ეკონომიკური დასკვნის მომზადებასთან და შესაბამისი ევროპული დაფინანსების წყაროების მოზიდვასთან დაკავშირებით.

მინისტრებმა ხელი მოაწერეს ოქმს, რომლის მიხედითაც მხარეები შეთანხმდნენ ითანამშრომლონ 2012 წლის 1-ლი აპრილისთვის პროექტის ტექნიკურ-ეკონომიკური დასაბუთების მომზადების, დაფინანსების წყაროების მოპოვების საკითხებში ხელი შეუწყონ AGRI პროექტის, როგორც სამხრეთის დერეფნის და ევროპის ენერგოუსაფრთხოების მნიშვნელოვანი კომპონენტის განვითარებას.

მინისტერიალში მონაწილეობდნენ პროექტის განმახორციელებელი კომპანიების წარმომადგენლები. საქართველოს ნავთობისა და გაზის კორპორაციის მხრიდან მინისტერიალს ესწრებოდნენ კორპორაციის კომერციული დირექტორი დავით ონიანი და ერთობლივ კომპანიაში კორპორაციის წარმომადგენელი ვაჟა ხიდაშელი.

2010 წლის 14 სექტემბერს ბაქოში ხელი მოეწერა AGRI-ის პროექტის განმახორციელებელი ერთობლივი კომპანიის (SC AGRI LNG Project Company SRL) სადამფუძლებლო ხელშეკრულებას. ერთობლივ კომპანიაში, რომელიც ბუქარესტში ფუნქციონირებს, უნგრეთის გაერთიენების შემდეგ SOCAR-ს, GOGC-ს, Romagaz-ს და MVM -ს თანაბარი 25%-იანი წილი ექნებათ.