ესტონეთის ავიახაზები ქართულ ბაზარზე შემოდის. კომპანიის ინფორმაციით, 2012 წლის 8 აპრილიდან Estonian Air ტალინი-თბილისის რეისს კვირაში 4-ჯერ შეასრულებს.
გარდა ამისა, 2012 წლიდან, Estonian Air-ი ფინეთის მიმართულებით სამ ახალ ხაზს გახსნის: 26 მარტიდან კომპანია განახორციელებს ფრენას მარშრუტით ტალინი-იოენსუ კვირაში ოთხჯერ, 27 მარტიდან მარშუტით ტალინი-კოკოლა/პიეტარსარი კვირაში ექვსჯერ და 3 აპრილიდან მარშრუტით ტალინი-კაიანი ოთხჯერ კვირაში.
"Estonian Air მიზანია - ჩაიყვანოს ტალინში მგზავრები, რომლებიც სხვადასხვა მიზნებით მიფრინავენ, განსაკუთრებული ყურადღება მიაქციოს სატრანზიტო მგზავრების წილის გაზრდას. რამდენადაც ესტონეთის ბაზარი მცირეა, საჭიროა ეს წილი გაიზარდოს, რათა ესტონეთში დაწყებული რეისები ნორმალურ ფასად შევთავაზოთ მგზავრებს", - განმარტავს Estonian Air-ის მმართველობის თავმჯდომარე ტერო ტასკილა.