2012 წლის ბიუჯეტის საბოლოოდ გადამუშავებული პროექტით ბიუჯეტის ხარჯები იზრდება. პროექტის პირვანდელ ვარიანტში ხარჯები 6, 181, 516.1 ათასი ლარი იყო, საბოლოოდ გადამუშავებულ ვარიანტში კი ხარჯები 6, 528, 243. 3 ათასი ლარი გახდა.
ბიუჯეტის პროექტის პირველ ვარიანტში შრომის ანაზღაურება 1, 131, 858. 2 ათასი ლარი იყო გადამუშავებული ვაროანტით კი 1, 133, 145. 5 ათასი ლარი გახდა.
პირვანდელი ვარიანტით, გრანტები - 1, 027,807.6 ათასი ლარი იყო, გადამუშავებული ვარიანტით კი - 1, 173, 748.9 ათასი ლარი გახდა. სოციალური უზრუნველყოფისთვის გამოყოფილი სახსრები 1, 645, 604. 6 ათასი ლარიდან 1, 691, 160.9 ათას ლარამდე გაიზარდა.
გაიზრდა ~სხვა ხარჯების~ ნაწილიც. კერძოდ, პროექტის წინა ვარიანტით, სხვა ხარჯები 973, 801.9 ათასი ლარი იყო, გადამუშავებული ვარიანტით კი სხვა ხარჯები 1, 068, 183. 9 ათასი ლარი გახდა.
2102 წლის ბიუჯეტის საბოლოო პროექტს პარლამენტი 9 დეკემბერს, პლენარულ სხდომაზე უყრის კენჭს.
