რუსული სასტუმროების ქსელი "Korston"-ი საქართველოში შემოდის. როგორც სააგენტო "ჯი-ეიჩ-ენთან" საუბრისას, საერთაშორისო ინვესტორთა ასოციაციის გენერალურმა მდივანმა ოსმან ჩალიშქანმა განაცხადა, ბათუმში სასტუმრო "Korston"-ის პრეზიდენტი და აღმასრულებელი დირექტორი ანატოლი კუზნეცოვი იმყოფებოდა, რომელიც აჭარაში თურქული საფეიქრო კომპანიების წარმომადგენლებმა ჩამოიყვანეს.
ანატოლი კუზნეცოვი აჭარის ტურისტულ პოტენციალს დეტალურად გაეცნო და როგორც ოსმან ჩალიშქანმა განაცხადა, სამომავლოდ "Korston"-მა ბათუმში ორი 5* სასტუმროს მშენებლობა დაგეგმა.
შეგახსენებთ, რომ "Korston"-ი არის რუსული ჯგუფი, რომელიც რუსეთის მასშტაბით სასტუმროთა ქსელს აერთიანებს.