"ლიბერთი ბანკი" ბაზარზე ახალ აქციებს გამოიტანს. ბანკის გენერალური დირექტორის ლადო გურგენიძის მიერ გავრცელებულ განცხადებაში ნათქვამია, რომ სს „ლიბერთი ბანკის" სამეთვალყურეო საბჭოს 2011 წლის 25 ნოემბრის გადაწყვეტილების თანახმად, სს ლიბერთი ბანკი აცხადებს ახალი აქციების გამოშვების და მათი არსებული აქციონერებისთვის შეთავაზების შესახებ.
გურგენიძის განცხადებაში ასევე ნათქვამია, რომ თითო აქციის შეთავაზების ფასი 1.64 თეთრი იქნება.
2011 წლის 25 ნოემბრის მდგომარეობით, ბანკის ყველა არსებულ აქციონერს შეუძლია შეიძინოს თავისი პროცენტული წილის პროპორციული აქციების რაოდენობა ფასით _ ერთი აქცია 1.64 თეთრი.
აღსანიშნავია, რომ აქციების შეძენის მსურველმა საბროკერო კომპანიას „ლიბერთი სიქიურითს" უნდა მიმართონ.
