ოქტომბერში ქვეყნის ეკონომიკის ზრდის ტემპმა 8,8% შეადგინა. სტატისტიკის ეროვნული სამსახურის ინფორმაციით, იანვარ-ოქტომბერის განმავლობაში ყველაზე მაღალი ზრდის ტემპი - 9,7% იანვარში დაფიქსირდა, თებერვალში - 4,7%, მარტში - 3,8%, აპრილში - 2,8, მაისი - 1,4%, ივნისში - 4,1%, ივლისში - 5,3%, აგვისტოში - 9%, სოლო სექტემბერში - 7,9%. "საქსტატის" წინასწარი ინფორმაციით, საქართველოში 2011 წლის მესამე კვარტალში ეკონომიკის ზრდის ტემპმა საშუალოდ 7,3% შეადგინა.
სტატისტიკის ეროვნული სამსახურის ინფორმაციით, ქვეყანაში ოქტომბრში დამატებული ღირებულების გადასახადის გადამხდელ საწარმოთა ბრუნვამ 3,615 მლრდ ლარი შეადგინა. "საქსტატში" განმარტავენ, რომ აღნიშნული მონაცემები 24,7%-ით მეტია 2010 წლის ოქტომბერთან შედარებით, რადგანაც გასული წლის ოქტომბერში ამ მაჩვენებელმა 2,722 მლრდ ლარი შეადგინა.
2010 წლის მონაცემებით, საქართველოში დღგ-ის გადამხდელ საწარმოთა ბრუნვამ 31,431 მლრდ ლარი შეადგინა. სტატისტიკური ინფორმაციის მიხედვით, ოქტომბერში ქვეყანაში 4 509 ახალი კომპანია დარეგისტრირდა, რაც გასული წლის ანალოგიური პერიოდის მაჩვენებელეთან9,9%-ითაა გაზრდილი.
