23 ნოემებრს, რუსთავის იუსტიციის სახლი საქართველოში ვიზიტად მყოფმა ამერიკელმა კონგრესმენებმა მოინახულეს. იუსტიციის მინისტრის მოადგილემ გიორგი ვაშაძემ სტუმრებს იუსტიციის სახლის კონცეფცია და მისი მუშაობის სპეციფიკა გააცნო. გიორგი ვაშაძე სტუმრებს ქვეყანაში მომსახურების სფეროში გატარებულ იმ რეფორმებზეც ესაუბრა, რომლებმაც საშუალება მისცეს იუსტიციის სამინიტროს, რეალობად ექცია ერთ-ერთი ყველაზე ამბიციური და წარმატებული პროექტი - იუსტიციის სახლი.
სპეციალურად კონგრესმენებისათვის იუსტიციის სახლში მოწყობილი ტურის მსვლელობისას, ამერიკელმა სტუმრებმა მომსახურების სივრცეები დაათვალიერს და სხვადასხვა სერვისის შესახებ ამომწურავი ინფორმაცია მიიღეს.
იუსტიციის სახლი - იუსტიციის სამინისტროს სერვისების სრულიად ახალი კონცეფციის მქონე საჯარო დაწესებულებაა, სადაც სამოქალაქო რეესტრის სააგენტოს, საჯარო რეესტრის ეროვნული სააგენტოს, ეროვნული არქივის, აღსრულების ეროვნული ბიუროს, ნოტარიუსთა პალატის, საკანონმდებლო მაცნეს, იუსტიციის სასწავლო ცენტრის სერვისები არა მექანიკურად, არამედ -იდეურად და სისტემურად არის გაერთიანული. მყუდრო, სასიამოვნო და კომფორტული გარემო, მაღალკვალიფიციური, კომპეტენტური და კეთილგანწყობილი პერსონალი მომხმარებელთა თავაზიან, სწრაფ და ხარისხიან მომსახურებას უზრუნველყოფს.
ამერიკელი კონგრესმენების ვიზიტი საქართველოში 24 ნოემბერს დასრულდება.