უშიშროების საბჭოს მდივან გიგა ბოკერიას განცხადებით, საქართველო იყო და არის დაინტერესებული რუსეთთან ურთიერთობის ნორმალიზებით, მათ შორის ეკონომიკურ საკითხებში.
„პრობლემა მდგომარეობს იმაში, რომ რუსეთი დღემდე უარს აცხადებს შეეგუოს ფაქტს, რომ საქართველო სუვერენული სახელმწიფოა. ამიტომ, ამ საკითხთან დაკავშირებით კომპრომისი ვერ მოხდება. გამოცდილება აჩვენებს იმას, რომ რუსეთთან ურთიერთობების გაუმჯობესება ხდება მხოლოდ მას შემდეგ, რაც ნაკლებად დამოკიდებული ხდებიან სახელმწიფოები რუსეთის ფედერაციაზე როგორც პოლიტიკურად, ისე სხვა თვალსაზრისით. ყოფილი საბჭოთა იმპერიისგან თავდაღწეული ქვეყნები, რომლებიც ევროკავშირისა და ნატოს წევრები გახდნენ, მივიდნენ დასავლეთთან, ისინი არიან ყველაზე უფრო დაცულები და გრძნობენ თავს ყველაზე უფრო კომფორტულადაც კი, რუსეთთან მიმართებაში. რუსეთთან პრობლემები ექმნებათ მხოლოდ იმ ქვეყნებს, რომლებიც ჯერ ბოლომდე არ არიან გასული სამშვიდობოს.
მისი თქმით, ყველა, ვინც საქართველოს მთავრობას ეუბნება, რომ რუსეთთან ურთიერთობების დალაგება არის გზა დასავლეთში ინტეგრაციისა და ნორმალურ ქვეყნად გახდომის შესაძლებლლობა, გულუბრყვილოდ ცდება.
