"მაგრამ, თუ ამ წესრიგს არ დაამყარებენ ბანკის მესვეურები, დაამყარებს ეროვნული ბანკი", - განაცხადა გიორგი ქადაგიძემ დღეს ეროვნული ბანკის პრეზიდენტმა გიორგი ქადაგიძემ საფინანსო-საბიუჯეტო კომიტეტის დღევანდელ სხდომაზე, რომელსაც ~ქართუ~ ბანკის პრეზიდენტი ნოდარ ჯავახიშვილიც ესწრებოდა.

ქადაგიძის განცხადებით, მათი მთავარი ამოცანაა ფინანსური სტაბილურობის უზრუნველყოფა, რომ ბანკები მაქსიმალურად იყვნენ აპოლიტიზებულნი, რომ არც ერთი კომერციული ბანკი და საბანკო სისიტემა, როგორც ეკონომიკის ხერხემალი, არ იყოს დაკავშირებული რაიმე ტიპის პოლიტიკურ პროცესთან.

~ამის მიუხედავად, რა ხდება "ქართუს" ირგვლივ, რაც მისი მესვეურების მიერ ხდება, ჩვენთვის არის მიუღებელი. რატომ? მითხარით ერთი ქვეყანა, დამისახელეთ ერთი პრეცედენტი, სადაც კომერციული ბანკი აგროვებს ხელმოწერებს პოლიტიკური დაჯგუფების მხარდასაჭერად, სადაც ბანკი აკეთებს პოლიტიკურ განცხადებებს, სადაც კომერციული ბანკი ასრულებს პოლიტიკური პარტიის პიარის ფუნქციას, სადაც კომერციული ბანკი ავრცელებს არასწორ და ცრუ ინფორმაციას, როგორც ეროვნული ბანკის, ისე მთლიანად საბანკო სისტემის შესახებ. ერთი ფაქტი საერთაშორისო პრაქტიკიდან, სადაც კომერციული ბანკი ასახელებს თავისი კლიენტების ვიანობას, სადაც კომერციული ბანკი მიზანმიმართულად აჭიანურებს ადგილზე შემოწმების პროცესს. ასეთი რამე არ არსებობს, ასეთი რამ არსად ხდება. ასეთი ერთი ფაქტია ცნობილი მხოლოდ და მხოლოდ
90-იანი წლების საქართველოში და ამ წლებში საბანკო სისტემა არასდროს დაბრუნდება. ამის გარანტი არის ეროვნული ბანკი და პირადად მე~ - განაცხადა გიორგი ქადაგიძემ.

ეროვნული ბანკის პრეზიდენტის განცხადებით, "ქართუ~ ბანკი, მისმა მფლობელებმა და ახალმა ადმინისტრაციამ მაქსიმალურად უნდა გამიჯნოს პოლიტიკური პროცესისგან, მან უნდა განახორციელოს საქმიანობა კომერციული ბაკების შესახებ კანონით.

~ამ შემთხვევაში პირადად ვარ გარანტი, რომ ქართუ ბანკს ეროვნული ბანკის მხარდაჭერა ექნება~ - აღნიშნა ქადაგიძემ.

თუ "ქართუ ბანკის" მესვეურები პოლიტიკას არ გაემიჯნებიან და იქ წესრიგს არ დაამყარებენ, ამ წესრიგის დამყარებას ეროვნული ბანკი აიღებს.