ბიზნესმენ ბიძინა ივანიშვილის განცხადებით, მან 2004 წელს, ახალი პრეზიდენტს 1 მილიარდი შესთავაზა სოფლის მეურნეობის განვითარებისთვის. როგორც ივანიშვილმა რეგიონული მედიასაშუალებების ჟურნალისტებთან შეხვედრისას განაცხადა, ხელისუფლებაში მოსვლის შემდეგ, აღნიშნულ სფეროში რეფორმებს დაიწყებს.
„მე სოფელში გავიზარდე და გლეხის შვილი ვარ. ამიტომ განვიცდი გლეხის შრომას. საბჭოთა კავშირის დროს იყო შედარებით ღარიბი და ძლიერი სოფლები. ახლა კი ასე აღარ არის. ყველა გლეხი ერთმანეთს დაემსგავსა და ყველა საოცრად გაჭირვებულია. ჩვენ უნდა გავაკეთოთ ყველაფერი, რომ სოფელს დავეხმაროთ. მე მქონდა შეთავაზება 2004 წელს პრეზიდენტისთვის. 1 მილიარდს ვთავაზობდი, რაც საჭიროებდა პირველად ინვესტიციებს აგრარული სექტორის გასავითარებლად. ხელისუფლებაში მოსვლისთანავე მყისიერად დავიწყებთ სოფლის მეურნეობის რეფორმას", - განაცხადა ივანიშვილმა.
