"საქართველოს ბანკმა" ონში, აღმაშენებლის ქ. #46, პირველი სერვისცენტრი გახსნა, რის შედეგადაც კიდევ უფრო გააფართოვა ბანკის სერვისცენტრების ქსელი საქართველოს რეგიონებში. ბანკის ინფორმაციით, ახალ სერვისცენტრში 15 თანამშრომელი დასაქმდა.
"საქართველოს ბანკის" ახალი სერვისცენტრი თანამედროვე სტანდარტების თანახმადაა მოწყობილი და მომხმარებელს მარტივ და სწრაფ მომსახურებას სთავაზობს. სერვისცენტრში მომხმარებელს შესაძლებლობა ექნება მიიღოს საბანკო მომსახურების სრული სპექტრი.
"საქართველოს ბანკს" ქვეყნის მასშტაბით უკვე 147 სერვისცენტრი აქვს, რომელიც განთავსებულია მომხმარებლისთვის ყველაზე ხელსაყრელ ადგილებში. სერვისცენტრების თანამედროვე მოწყობა და აღჭურვა მომხმარებელს სთავაზობს კომფორტულ და სწრაფ მომსახურებას.