2011 წლის იანვარ-ოქტომბერში, საქართველოს 2 მლნ. 320 ათას 434 ვიზიტორი ესტუმრა, რაც წინა წლის ანალოგიურ მაჩვენებელს 42%-ით აღემატება. 2011 წლის ათ თვეში, ევროპის ქვეყნებიდან (დსთ-ს ქვეყნების გარეშე) საქართველოში 734 ათას 810 ვიზიტორი შემოვიდა (შემოსულ ვიზიტორთა 31,7%), რაც გასულ წელთან შედარებით 34%-ით მეტია. 2011 წლის იანვარ-ოქტომბერში, დსთ-ს ქვეყნებიდან შემოსულია 1 მლნ. 474 ათას 184 ვიზიტორი (ვიზიტორთა 63,5%), რაც 2010 წლის ანალოგიური პერიოდის მაჩვენებელზე 44%-ით მეტია.
ეკონომიკისა და მდგრადი განვითარების სამინისტროს ინფორმაციით, აღნიშნულ პერიოდში, ამერიკიდან შემოვიდა 24 ათას 311 ვიზიტორი (შემოსულ ვიზიტორთა 1%), რაც 2010 წლის იანვარ-ოქტომბრის ანალოგიურ მაჩვენებელზე 21%-ით მეტია, აზიის ქვეყნებიდან - 80 ათას 281 ვიზიტორი (შემოსულ ვიზიტორთა 3,5%), რაც წინა წლის ანალოგიურ მაჩვენებელს 103%-ით აღემატება, აფრიკიდან - 3 ათას 138 ვიზიტორი (შემოსულ ვიზიტორთა 0,1%), გასული წლის მაჩვენებელს 280%-ით მეტი, ხოლო დანარჩენი მსოფლიოდან - 3 710 ვიზიტორი (ვიზიტორთა 0,2%), გასული წლის მაჩვენებელზე 33%-ით მეტი.
2011 წლის იანვარ-ოქტომბერში, დსთ-ს ქვეყნებიდან შემოსულ ვიზიტორთა (1 მლნ. 474 ათას 184) უდიდესი ნაწილი აზერბაიჯანზე მოდის. კერძოდ, აზერბაიჯანიდან შემოვიდა 583 ათას 536 ვიზიტორი (დსთ-ს ქვეყნების ვიზიტორთა 40%), რაც გასული წლის ათი თვის ანალოგიურ მაჩვენებელს 45%-ით აღემატება. სომხეთიდან შემოვიდა 572 ათას 638 ვიზიტორი (დსთ-ს ვიზიტორების 39%), 34%-ით მეტი, ვიდრე გასული წლის ანალოგიურ პერიოდში.
