ვაზისა და ღვინის დეპარტამენტის თავჯდომარის ადგილზე კონკურსი დღეიდან ოფიციალურად ცხადდება. სოფლის მეურნეობის სამინისტროში კომისიამ პირველი სხდომა გამართა. ძირითად საკითხებზე მსჯელობდნენ მინისტრი, ბიზნესმენები და კერძო სექტორის წარმომადგენლები.
"პირველ რიგში უნდა იყოს კარგი მენეჯერი. მას უნდა ჰქონდეს უმაღლესი განათლება და მენეჯმენტში ძალიან დიდი გამოცდილება, რადგან მას ექნება ხელში "რიჩაგები" თუ რამდენად შესაძლებელი იქნება საქართველოში ღვინის წარმოების გაზრდა. მასზე იქნება დამოკიდებული თითოეული გლეხი, რომელიც უყურებს თუ როგორ მიდის თითოეული ბოთლი ღვინის გაყიდვა. ამ ადამიანმა უნდა გააკეთოს ის საქმე რაც ეკუთვნის ქართულ მეღვინეობას", - განაცხადა სოფლის მეურნეობის მინისტრმა ზაზა გოროზიამ.