ხვალ, 4 ნოემბერს, 13:30 საათზე, სასტუმრო „თბილისი მარიოტში“ კომპანია „კამარა ექსპრესი“ (Camex.ge) ქართულ ბაზარზე თავის გეგმებზე ოფიციალურად განაცხადებს.
„კამარა ექსპრესი“ 2011 წლის ივნისში "საერთაშორისო ინვესტიციების საკოორდინაციო ცენტრმა” დააფუძნა. "საერთაშორისო ინვესტიციების საკოორდინაციო ცენტრის“ ერთ-ერთ მიმართულებას სწორედ სატრასნპორტო სექტორში ინვესტირება წარმოადგენს. ცენტრი ამ სეგმენტში პროექტებს 10 წლის განმავლობაში წარმატებულად ახორციელებდა. მისი შვილობილი კომპანია Evrazia Cargo უზრუნველყოფდა ავია-ტვირთების გადაზიდვას მსოფლიოს ყველა მიმართულებით 10 წლის განმავლობაში. სწორედ Evrazia Cargo-ს ბაზაზე შეიქმნა camex.ge.
Camex.ge-ის გენერალური დირექტორის, გიორგი სეთურიძის განმარტებით, კომპანიის მიზანია ქართველ მომხმარებელს სრულყოფილი და იაფი სერვისი შუამავალი რგოლების გარეშე შესთავაზოს.
„ტვირთების ტრანსპორტირებისას Camex.ge არ იყენებს სამგზავრო რეისებს, რაც ამ ბიზნესში სტაბილურობის გარანტიას იძლევა. ჩვენ ჩამოგვაქვს ნებისმიერი სახის ტვირთი ყოველგვარი შეზღუდვის გარეშე. საწყობში უზრუნველყოფილია გადაფუთვის მაღალი სტანდარტები, რაც განაპირობებს ტრასნპორტირების დაბალ ფასს. Camxe.ge ქართველ მომხმარებელს ბაზარზე ყველაზე დაბალ ფასს სთავაზობს. დღეიდან ვიწყებთ აქციას 11.11.11 თარიღთან დაკავშირებით - ტრანსპორტირების ფასი 1 კგ-ზე შეადგენს 11 ლარს ($6.65).
კორპორატიული და მსხვილი კლიენტებისთვის ჩვენი პირობები შემდეგია:
40კგ–დან 200კგ-მდე ტვირთებზე 1კგ-ის ტრანსპორტირების ღირებულებაა $4.99.
200კგ-დან და ზევით წონის ტვირთებზე მოქმედებს ფასდაკლების სისტემა.
ის ფაქტორი, რომ ჩვენ ვართ უმსხვილესი ავიაკომპანიის წარმომადგენელი და ჩვენი პარტნიორები არიან ცნობილი ბრენდები CargoLux, Eurasian Cargo, Azal, გვაძლევს ტვირთებზე სრულყოფილი კონტროლის განხორციელების საშუალებას. პარტნიორებისგან კი ვსარგებლობთ მაქსიმალური ხელშეწყობით“– აცხადებს სეთურიძე.
„კამარა ექსპრესი“ არის უმსხვილესი ავიაკომპანია Silkway Airlines-ის ოფიციალური წარმომადგენელი საქართველოში, რომელიც ახორციელებს საფოსტო გზავნილების, ამანათების და კომერციული ტვირთების ავიაგადაზიდვებს მსოფლიოს თითქმის ყველა კუთხიდან, მათ შორის ამერიკიდან, ევროპიდან, ჩინეთიდან.
მასალის გამოყენების პირობები