ხვალ, 4 ნოემბერს, 11:00 საათზე, სასტუმრო "თბილისი მარიოტში" ავიაკომპანია "Flydubai" საქართველოში ოპერირების დაწყებასთან დაკავშირებით ბრიფინგს გამართავს. პრესკონფერენციას Flydubai-ის ხელმძღვანელობა, არაბეთის გაერთიანებული საამიროების ეროვნული ფედერალური საბჭოსa და საქართველოს მთავრობის წევრები დაესწრებიან.
Flydubai, ბილეთის დაბალი ფასითა და ყველაზე თანამედროვე მაღალტექნოლოგიური "ბოინგ 737-800"-ის საშუალებით, 5 ნოემრბიდან დაიწყებს რეგულარული ფრენების განხორციელებას თბილისი-დუბაის მიმართულებით, რომელიც ყოველი კვირის სამშაბათსა და შაბათს განხორციელედება. ორმხრივი ბილეთის ფასი 270 აშშ დოლარი ეღირება.
Flydubai-ის მენეჯმენტი მიიჩნევს, რომ ავიაკომპანიის საქართველოში შემოსვლა, ხელს შეუწყობს არა მარტო ვაჭრობის განვითარებას, არამედ ორ ქვეყანას შორის ეკონომიკური და ტურისტული კავშირების გაღრმავებას და ქვეყნებს შორის თანამშრომლობას.
როგორც ცნობილია, პრესკონფერენციას დაესწრებიან, Flydubai - ის აღმასრულებელი დირექტორი გაიტ ალ გაიტი, Flydubai-ის ბიზნესის განვითარების მენეჯერი იეჰუმ ეფენდი, Flydubai-ის პიარმენეჯერი ჰითერ ასბური, არაბეთის გაერთიანებული საემიროების ეროვნული ფედერალური საბჭოს წევრი ჯემალ ელ ჰაი, საქართველოს ეკონომიკისა და მდგრადი განვითარების მინისტრი ვერა ქობალია, ეკონომიკისა და მდგრადი განვითარების მინისტრის მოადგილე გიორგი კარბელაშვილი, ტურიზმის ეროვნული სააგენტოს ხელმძღვანელი მაია სიდამონიძე და სამოქალაქო ავიაციის სააგენტოს გადაზიდვა-გადაყვანის დეპარტამენტის უფროსი ალექსანდრე გაჩეჩილაძე.
საქართველოში Fly Dubai-ის ავტორიზებული დისტრიბუტორია კომპანია Dubai.ge.
Dubai.ge-ს ხელმძღვანელი მარი ჩირინაშვილი აცხადებს, რომ Fly Dubai-ის მგზავრებს კომპანიისგან დამატებითი სერვისების მიღებაც შეეძლებათ.
"პირდაპირი ავიარეისების დანიშვნა კარგი საშუალებაა იმისთვის, რომ საქართველოს მოქალაქეებისთვის გაიაფდება გადაფრენა გაერთიანებული ემირატებისა და შუა აზიის მიმართულებით. ვიმედოვნებთ, რომ ტურისტული მიზნით, საქართველოს მიმართ მოთხოვნა გაიზრდება. იმავდროულად, ინვესტორებიც დაინტერესდებიან საქართველოში შემოსვლით", - აცხადებს ჩირინაშვილი.
შეგახსენებთ, რომ Fly Dubai 2008 წელს დაარსდა და Emirate Airline-ის შვილობილი კომპანიაა, რომელიც რეისებს მსოფლიოს 45 ქვეყნის მიმართულებით ასრულებს. კომპანია მომხმარებელს დაბალ ფასსა და მომსახურების მაღალ ხარისხს სთავაზობს. Fly Dubai-ის 189-ადგილიანი ახალი თაობის ბორტი ბოინგი 737-800 აქვს, რომელიც აღჭურვილია უახლესი HD სენსორული ეკრანებითა და რეკაროს ბრენდის თანამედროვე სავარძლებით.
მასალის გამოყენების პირობები