"საქსტატის" ინფორმაციით, 2011 წლის ოქტომბერში სექტემბერთან შედარებით ინფლაციის დონემ -0,2 პროცენტი შეადგინა.
სტატისტიკის ეროვნულ სამსახურში განმარტავენ, რომ მოცემულ პერიოდში ინფლაციის მაჩვენებლის ფორმირებაში ძირითადი გავლენა იქონია ფასების
ცვლილებამ შემდეგ ჯგუფებზე: სურსათისა და უალკოჰოლო სასმელების ჯგუფის ფასები შემცირდა 0,1 პროცენტით და მისმა წვლილმა ოქტომბრის თვის ინფლაციაში -0,07 პროცენტული პუნქტი შეადგინა. ფასები
მნიშვნელოვნად შემცირდა შემდეგ ქვეჯგუფებზე: პური და პურპროდუქტები (1,1 პროცენტით), ხილი და ყურძენი (0,1 პროცენტით), ხორცი და ხორცპროდუქტები (0,6 პროცენტით).
სააგარიშო პერიოდში ფასების ზრდა დაფიქსირდა შემდეგ ქვეჯგუფებზე: ბოსტნეული, ბაღჩეული, კარტოფილი და სხვა ბოლქოვანები
(1,8 პროცენტი) და რძე, ყველი და კვერცხი (0,4 პროცენტი). ტრანსპორტის ჯგუფზე ფასები შემცირდა 0,7 პროცენტით და მისმა წვლილმა მთლიანი ინფლაციის მაჩვენებელში -0,07 პროცენტი შეადგინა. მნიშვნელოვანი კლება დაფიქსირდა საწვავ-საპოხ მასალებზე (2,1 პროცენტი).