კომპანია "ვისოლი" მსოფლიოს 26-ზე მეტ ქვეყანაში ავტოგასამართი სადგურების საერთაშორისო ქსელის მფლობელი კომპანია "ეი ეს ოცდაოთხის" (AS24) პარტნიორი გახდა. კომპანიებს შორის თანამშრომლობის მემორანდუმი, დღეს სასტუმრო "რადისონ ბლუ ივერიაში" გაფორმდა. შესაბამისად, პირველად კავკასიის მასშტაბით სატრანზიტო მარშრუტით მოძრავ სატვირთო ავტომობილების მძღოლებს საშუალება ექნებათ, საქართველოშიც გამართონ საწვავი "ვისოლის" ავტოგასამართ სადგურებზე "ეი ეს ოცდაოთხის" ქსელური სისტემით.
"ვისოლი" ორი წელია ფრანგულ ნავთობგიგანტთან კომპანია "ტოტალთან" აქტიურად თანამშრომლობს. ძალიან გვახარებს ის ფაქტი, რომ "ვისოლსა" და "ტოტალს" შორის ძალიან კარგი პარტნიორული ურთიერთობები ჩამოყალიბდა. სწორედ ამ ურთიერთობის ფარგლებში, მათ "ვისოლთან" ერთად საქართველოში ახალი პროექტის დაწყება გადაწყვიტეს. აღნიშნული პროექტის რეალიზაცია კი დღეიდან იწყება. "ეი ეს ოცდაოთხი" "ტოტალის" შვილობილი კომპანიაა და მას აქვს საკმაოდ ფართო ქსელი. "ვისოლი" კი მათ კლიენტების მომსახურებას და პროექტების რეალიზაციას მოახდენს. გვიხარია, რომ ასეთი კომპანია ჩვენთან თანამშრომლობს, "ტოტალთან" ერთად უკვე მეორე პროექტის განხორციელებას ვიწყებს, რისი სურვილიც უშუალოდ მათგან მოდიოდა.
მნიშვნელოვანია, რომ ამიერიდან, კომპანიის მომხმარებლებს არა მხოლოდ იტალიური საწვავის, თუ ფრანგული "ტოტალის" საავტომობილო ზეთების შეძენა შეეძლებათ ექსკლუზიურად "ვისოლის" ქსელში, არამედ სატვირთო ავტონაწილების მძღოლები "ეი ეს ოცდაოთხის" სისტემით გამართავენ საწვავს საქართველოში. "ეი ეს ოცდაოთხის" საქართველოში შემოსვლა მნიშვნელოვანი ნაბიჯია ჩვენი ქვეყნის ეკონომიკის შემდგომი განვითარების გზაზე. მითუმეტეს, რომ საქართველო სატრანსპორტო კორიდორია ევროპასა და აზიას შორის" - აღნიშნა "ვისოლის" სამეთვალყურეო საბჭოს თავმჯდომარემ სოსო ფხაკაძემ.
სატრანზიტო მარშრუტით მოძრავი სატვირთო მანქანების მძღოლები "ეი ეს ოცდაოთხის" სისტემით ცენტრალური მაგისტრალის გორის მონაკვეთსა და ბათუმში მდებარე "ვისოლის" ავტოგასამართ სადგურებზე ისარგებლებენ და უმაღლესი ხარისხის საწვავითა და თანამედროვე ტექნოლოგიებით გამართავენ ავტომობილს.
"ეი ეს ოცდაოთხის" მენეჯმენტი განმარტავს, რომ ისინი აქტიურად თანამშრომლობენ თურქულ გადამზიდავებთან და მათთვის მნიშვნელოვანი, იყო, რომ კლიენტებს გაყოლოდნენ და მათთვის კომფორტი შეექმნათ. შესაბამისად "ეი ეს ოცხდაოთხი" საქართველოს გვერდს ვერ აუვლიდა და სწორედ ამიტომ კომპანიამ საქართველოში აქტიურად შემოსვლა გადაწყვიტა. სტატისტიკური მონაცემების მიხედვით, საქართველოს საზღვარს ყოველდღიურად 250 გადამზიდავი სატვირთო მანქანა კვეთს, რომლებსაც სამომავლოდ საქართველოს ტერიტორიაზე "ეი ეს ოცხდაოთხის" პარტნიორი "ვისოლი" მოემსახურება.
"ეი ეს ოცხდაოთხის" სისტემით სატვირთო ავტომობილის მძღოლები განსხვავებული ფერისა და დიზაინის საწვავის მიწოდების სვეტებითY 24 საათის განმავლობაში შეძლებენ ავტომობილის საწვავის გამართვას.
"ორი წელია ვაკვირდებით საქართველოში მიმდინარე პროცესებს და ვსწავლობთ ქვეყნის საინვესტიციო კლიმატს. შესაბამისად, აშკარაა, რომ "ვისოლი" არის ის ბრენდი, რომლის სახელთანაც "ეი ეს ოცდაოთხის" ასოცირდება ქვეყნის ბაზარზე დამკვიდრების წარმატებული გზაა" - აცხადებს "ეი ეს პოხდაოთხის" პრეზიდენტი ბრუნო დოდ-ლაგრავი.
"ეი ეს ოცდაოთხი" ავტოგასამართი სადგურების საერთაშორისო ქსელია, რომელიც 20 წელზე მეტია სატვირთო მანქანების მძღოლებს 26-ზე მეტ ქვეყანაში სთავაზობს საწვავით გამართვის სერვისს. "ეი ეს ოცდაოთხი" საერთაშორისო ნავთობკომპანია "ტოტალის" შვილობილი კომპნიაა და ევროპის მასშტაბით ყველაზე ფართო ქსელი აქვს.
