3 ნოემბერს, 11:00 საათზე, სასტუმრო რადისონში ვისოლი მსოფლიოს 26-ზე მეტ ქვეყანაში ავტოგასამართი სადგურების საერთაშორისო ქსელის მფლობელ კომპანია "ეი ეს ოცდაოთხთან" (AS24) მემორანდუმს გააფორმებს და საქართველოში მისი ექსკლუზიური პარტიორი გახდება. შესაბამისად, პირველად კავკასიის მასშტაბით სატრანზიტო მარშრუტით მოძრავ სატვირთო ავტომობილების მძღოლებს საშუალება ექნებათ, საქართველოშიც გამართონ საწვავი ვისოლის ავტოგასამართ სადგურებზე "ეი ეს ოცდაოთხის" ქსელური სისტემით.
სატრანზიტო მარშრუტით მოძრავი სატვირთო მანქანების მძღოლები "ეი ეს ოცდაოთხის" სისტემით ცენტრალური მაგისტრალის გორის მონაკვეთსა და ბათუმში მდებარე ვისოლის ავტოგასამართ სადგურებზე ისარგებლებენ და უმაღლესი ხარისხის საწვავითა და თანამედროვე ტექნოლოგიებით გამართავენ ავტომობილს.
"ეი ეს ოცდაოთხი" ავტოგასამართი სადგურების საერთაშორისო ქსელია, რომელიც 20 წელზე მეტია სატვირთო მანქანების მძღოლებს 26-ზე მეტ ქვეყანაში სთავაზობს საწვავით გამართვის სერვისს. "ეი ეს ოცდაოთხი" საერთაშორისო ნავთობკომპანია "ტოტალის" შვილობილი კომპნიაა და ევროპის მასშტაბით ყველაზე ფართო ქსელი აქვს.