SARAR ჰოლდინგი ბათუმში შედის. აჭარის სავაჭრო-სამრეწველო პალატის თავმჯდომარე თამაზ შავაძე SARAR ჰოლდინგის წარმომადგენლებს შეხვდა. მამაკაცის ტანსაცმლის მწარმოებელი მსოფლიოში ცნობილი ბრენდი თავისი საქმიანობის გაფართოებას საქართველოშიც გეგმავს.
მიღებულია გადაწყვეტილება, რომ ბათუმში სასტუმრო „შერატონში" გაიხსნას ფირმის მაღაზია. ქსელი შემდგომ გაფართოვდება თბილისში და სხვა ქალაქებში. ბაზრის ახლოს გაცნობის შემდეგ მოსალოდნელია სხვა ინვესტიციების თაობაზე შედგეს მოლაპარაკებები.
SARAR ჰოლდინგი 14-ზე მეტ სააქციო საზოგადოებას აერთიანებს. იგი ცნობილია მაღალი ხარისხის მამაკაცისა და ქალის ტანსაცმლის, ფეხსაცმლის თუ სხვა აქსესუარების მწარმოებელი ბრენდის სახელით.
სასტუმრო "შერატონში" მაღაზიის გახსნისათვის სარემონტო სამუშაოები უკვე დაწყებულია და ერთი თვის შემდეგ მისი გახსნაც იგეგმება.
