მაღალმთიან აჭარაში გზების რეაბილიტაცია გრძელდება. წელათი-ჩირუხი-ჯინალის 8 კმ-იანი საავტომობილო გზის მონაკვეთის მშენებლობის ძირითადი ნაწილი უკვე შესრულებულია. რეაბილიტაცია შარშან სექტემბერში დაიწყო და მთის კლიმატური პირობების გამო სამუშაოები მომავალი წლის გაზაფხულზე დასრულდება.
წელათი-ჩირუხი-ჯინალის გზის მონაკვეთის სამუშაოები სოფლის მეურნეობის განვითარების ფონდის "იფადისა" და მსოფლიო ბანკის დაფინანსებით ხორციელდება. გზის შეკეთებას კომპანია "მშენებელი- 80" აწარმოებს. რეაბილიტაციისთვის 1,1 მილიონი ლარი გამოიყო.
