Apple-ის სმარტფონი iPhone 4S უკვე საქართველოშია. როგორც სააგენტო "ჯი-ეიჩ-ენს" კომპანია " iPhone +"-ში განუცხადეს, iPhone 4S-ის რეალიზაცია საქართველოში 29 ოქტომბრიდან დაიწყო და პირველსავერ დღეს სმარტფონის ახალი მოდელის გაყიდვებმა iPhone 4-ის გაყიდვების რეკორდი მოხსნა. როგორც კომპანიაში განმარტავენ, ოთხი დღის განმავლობაში 350 ერთეული iPhone 4S გაიყიდა. საქართველოში iPhone 4S-ის ღირებულება 1929 ლარიდან 2449 ლარამდეა.
iPhone 4S 16Gb White-სა და iPhone 4S 16Gb Black-ის ღირებულება ქართულ ბაზარზე 1 949 ლარია, iPhone 4S 32Gb White-სა და iPhone 4S 32Gb Black-ის ღირებულება კი 2 249 ლარი. iPhone 4S 64Gb Black-სა და iPhone 4S 64Gb White-ის ფასი კი 2 449 ლარია.
როგორც ცნობილია Apple-მა iPhone 4S ბაზარზე 14 .ოქტომბერს გამოიტანა. პირველ რიგში სმარტფონის ახალი მოდელის გაიყიდვა აშშ-ში, ავსტრალიაში, კანადაში, საფრანგეთში, გერმანიაში, იაპონიასა და დიდ ბრიტანეთში დაიწყო.
შეგახსენებთ, რომ iPhone 4S-ის პრეზენტაცია 4 ოქტომბერს შედგა.
ანალიტიკოსები და ფინანსისტები Apple-ს მიერ iPhon 5-ის პრეზენტაციას ელოდნენ, თუმცა საბოლოოდ კომპანიამ ბაზარზე iPhone 4-ის განახლებული ვერსია გამოიტანა.
მასალის გამოყენების პირობები