იანვარ-ოქტომბერში აჭარის ბიუჯეტი 5,9 %-იანი გადაჭარბებით შესრულდა. როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროში განუცხადეს, იანვარ-ოქტომბერში ბიუჯეტის გეგმა 125 მლნ. 409 ათას 900 ლარი იყო, თუმცა შესრულებამ 132 მლნ. 753 ათას 900 ლარი შეადგინა, რაც იმას ნიშნავს, რომ რეგიონის ათი თვის ბიუჯეტი 105,9 %-ით შესრულდა.
სამინისტროს ინფორმაციით, აჭარის ბიუჯეტის გადასახდელების მუხლი 103,4 %-ითაა შესრულებული, არაფინანსური აქტივების მუხლი კი 86,7 %-ით შესრულდა. ხოლო სხვა შემოსავლების მუხლი კი იანვარ-ოქტომბერში 104,6 %-ითაა შესრულებული.
როგორც აჭარის ფინანსთა და ეკონომიკის სამინისტროში განმარტავენ, იანვარ-ოქტომბერში შუახევის მუნიციპალური ბიუჯეტი 163,6 %-ითაა შესრულებული, ქობულეთის მუნიციპალური ბიუჯეტი 131,4 %-ით, ბათუმის მუნიციპალური ბიუჯეტი 124,5 %-ით, ხულოს მუნიციპალური ბიუჯეტი 108,2 %-ით, ქედას მუნიციპალური ბიუჯეტი 107,3 %-ით, ხოლო ხელვაჩაურის მუნიციპალური ბიუჯეტი 104,7 %-ითაა შესრულებული.
