ბათუმში პენოპლასტის წამოება დაიწყო. აჭარის მთავრობის თავჯდომარემ, ლევან ვარშალომიძემ, საქართველოში პენოპლასტის მწარმოებელი პირველი ქარხანა მოინახულა. კომპანია "დისკმა" უკრაინული ინვესტიციით შეიქმნა. საწარმოში დაგეგმილია 1 მლნ ლარის ინვესტირება.
ქარხანა ბათუმის სამრეწველო უბანში, ყოფილი სახლსაშენი კომბინატის ტერიტორიაზეა. იგი თვეში 6000 კბ/მ მასალას აწარმოებს, რაც არა მარტო აჭარის, არამედ საქართველოს სამშენებლო ბაზარზეა გათვლილი. იგი საქართველოში იმპორტირებულ ანალოგიურ პროდუქციაზე მნიშვნელოვნად იაფი და ხარისხიანია.
"ბათუმისთვის ძალიან მნიშვნელოვანია შენობების დათბუნვა. ამიტომ ამ საწარმოს გახსნა ნამდვილად სასიხარულოა. ეს უკრაინული ინვესტიციაა და გამართლების შემთხვევაში, აქ უფრო მეტი ადამიანი დასაქმდება", - განაცხადა ვარშალომიძემ.
