საქართველოს სსფ-ისგან გამოყოფილი თანხის დაბრუნება არ გაუჭირდება. ამის შესახებ განცხადება საქართველოში სსფ-ის მუდმივმა წარმომადგენელმა ედუარდ გარდნერმა გააკეთა. საქართველოს მთავრობას სსფ-ისთვის თანხის დაბრუნება 2012 წლიდან უწევს, თუმცა თანხის ძირითადი ნაწილის დაფარვა 2013 წელს მოხდება.
"სსფ-ის პროგრამით ათვისებული თანხის მოცულობა 900 მლნ. დოლარს შეადგენს. მისი გადახდა იწყება 2012 წელს და დაფარვა მოხდება 2014 წლამდე. თუმცა თანხის უმეტესი ნაწილის დაფარვა 2013 წელს მოხდება", - აღნიშნა გარდნერმა.
საქართველოში სსფ-ის მუდმივი წარმომადგენელის აზრით, ამ ვალის დასაბრუნებლად საქართველოს მთავრობას პრობლემა არ შეექმნება.
"სწორედ ამაზეა გათვლილი ჩვენი შედგომი პოტენციური პროგრამა - სიფრთხილის აქცენტებით", - აღნიშნა გარდნერმა.