ევროპაში მიმდინარე ეკონომიკური კრიზისი საქართველოზე ორმაგად აისახება. საქართველოში სსფ-ს მუდმივი წარმომადგენელი ედუარდ გარდნერი აცხადებს, რომ ეკონომიკურ კრიზისს საქართველოზე ორმხრივი გავლენა ექნება.
"მიმაჩნია, რომ მთელი მსოფლიო იწყებს საკმაოდ რთულ პერიოდს და ამას ორმხრივად ექნება ეფექტი საქართველოს ეკონომიკაზე. პირველი ეფექტი იმაში მდგომარეობს, რომ ექსპორტის სამიზნე ქვეყნები არ გაიზრდება, ისე ამბიციურად როგორც ეს წელს იყო. მერე ეფექტია, რომ ევროპაში ეკონომიკური არამდგრადობის გათვალისწინებით, საკმაოდ რთული იქნება კერძო კაპიტალზე წვდომა", - განაცხადა ედუარდ გარდნერმა.
მისი თქმით, სსფ-ს მიაჩნია, რომ არსებული ეკონომიკური კრიზისის მიუხედავად, საქართველოს ეკონომიკა გაიზრდება, თუმცა არა ისე როგორც ეს 2011 წელს იყო, თუმცა 2012 წელსაც საქართველოს ეკონომიკურ განვითარებასაც ზრდის ტენდენცია ექნება.
