პრეზიდენტის დავალებით, სოფლის მეურნეობის სამინისტრო "სამტრესტის" ხელმძღვანელის შესარჩევად, საერთაშორისო კონკურსს აცხადებს.
კონკურსი ცხადდება ასევე "სამტრესტის" ლოგოს შექმნაზე. როგორც სოფლის მეურნეობის ახალმა მინისტრმა ზაზა გოროზიამ, თავის პირველ ბრიფინგზე განაცხადა, "სამტრესტში" რებრენდინგი განხორციელდება და 2015 წლისთვის ქვეყანამ, ახალი პოლიტიკის ფარგლებში, ექსპორტზე 40 მლნ. ბოთლი ღვინის გატანა უნდა მოახერხოს.
"პრეზიდენტის დავალებით, ვაცხადებთ საერთაშორისო კონკურსს ღვინის ეროვნული სააგენტოს ხელმძღვანელის ვაკანტურ თანამდებობაზე. ყველა იმ ადამიანს, რომელსაც აქვს გამოცდილება და საქართველოსთვის ყველაზე მნიშვნელოვან პროდუქტზე, როგორიცაა ღვინოზე შესტკივა გული, ვთხოვთ, რომ ამ კონკურსში მიიღოს მონაწილეობა. როდესაც ბევრი პრობლემა დაგავტყდა რუსეთისგან, რომელსაც უნდოდა საქართველოში ღვინის ინდუსტრია ჩამოეშალა, მიუხედავად ამისა მეღვინეობა გადარჩა და განვითარდა. თუმცა ჩვენ არსებული მონაცემებით კმაყოფილი არ ვართ. ჩვენ ახალი ხელმძღვანელისგან ვითხოვთ, ღვინის ექსპორტის ზრდას მინუმ 23 %ით, რაც 2015 წლისთვის მოგვცემს 40 მლნ ბოთლზე გასვლას", - აღნიშნა ზაზა გოროზიამ.
როგორც ცნობილია "სამტრესტის" ყოფილი ხელმძღვანელი ვასილ მანაგაძე პრეზიდენტმა ბათუმში გამართულ მთავრობის სხდომაზე გაათავისუფლა.
როგორც სააკაშვილმა განმარტა, ის უწყების მუშაობით უკმაყოფილო იყო. პრეზიდენტმა მთავრობის სხდომაზევე, "სამტრესის" ხელმძღვანელის ვაკანტურ თანამდებობაზე გამოცდილი მენეჯერის შერჩევა ითხოვა, რომელიც სოფლის მეურნეობის სამინისტრომ აუცილებლად საერთაშორისო კონკურსით უნდა შეარჩიოს.
"უკმაყოფილო ვარ "სამტრესტის" მუშაობით და "სამტრესტის" ხელმძღვანელი თანამდებობიდან განთავისუფლებულია. გამოაცხადეთ საერთაშორისო კონკურსი და მაგარი ქართველი მენეჯერი ვინცაა და იცის ახალ ბაზრებზე გასვლა და უცხო ენები მოვიყვანოთ" - განმარტა პრეზიდენტმა.
სააკაშვილის პარალელი გაავლო და აღნიშნა, რომ ეკონომიკისა და მდგრადი განვითარების მინისტრმა ვერა ქობალიამ ტურიზმის სააგენტოს ხელმძღვანელის შესარჩევათ კონკურსი გამოაცხადა და მაია სიდამონიძე სკაიპით იპოვა.
შეგახსენებთ, რომ "სამტრესტის" ხელმძღვანელად ვასილ მანაგაძე წლებია მუშაობდა. " სამტრესტი " საქართველოს მეღვინეობის დარგის უმნიშვნელოვანესი რგოლია . მას დარგის რეგულირებას ავალებს საქართველოს კანონი " ვაზისა და ღვინის შესახებ ", მინისტრის ბრძანება 130 ( სამტრესტის დებულება ), სხვადასხვა ნორმატიული აქტები . ფაქტობრივად ''სამტრესტი " უნდა არეგულირებდას ყველა პროცესს ნამყენის გამოყვანიდან და ვენახის გაშენებიდან, ყურძნის გადამუშავება და ღვინის წარმოება რეალიზაციამდე . ასევე განახორციელოს ღვინის სერტიფიცირება და ეტიკეტის კონტროლი. ეს უდიდესი ფუნქციები მას ტრადიციის მიხედვით გადაეცა, რადგან სწორედ "სამტრესტ"- თან არის დაკავშირებული ქართული მეღვინეობის ისტორიის უმნიშვნელოვანესი ნაწილი.
"სამტრესტი"-ს ისტორია მე-20 საუკუნის ოციან წლებში იწყება. იმ პერიოდში შეიქმნა კახელ მევენახეთა გაერთიანება "კავშირთკავშირი" , "კახეთი", "იმერეთი", "საერო", "ხვანჭკარა", "წარმოკავშირი" და სხვა.
დღეს ვაზისა და ღვინის დეპარტამენტი ''სამტრესტი'' წარმოადგენს სსიპ-ს.
