2011 წლის მონაცემებით, მსოფლიოში ღვინის ყველაზე მსხვილ მწარმოებლად საფრანგეთი დასახელდა და საგრძნობლად გადაუსწრო უპირველეს კონკურენტს იტალიას. სტატისტიკური ინფორმაციის მიხედვით, 2011 წელს საფრანგეთმა 50,2 მლნ. ჰექტოლიტრი ღვინო აწარმოა, რაც 11 %-ით მეტია 2010 წლის მონაცემებთან შედარებით.
იტალიისათვის 2011 წელი ნაკლებად წარმატებული აღმოჩნდა, რადგანაც იტალიამ ბაზარზე მხოლოდ 42 მლნ. ჰექტოლიტრი ღვინო გამოიტანა, რაც 2010 წლის მონაცემებთან შედარებით 17 %-თაა შემცირებული. იტალიაში ღვინის წარმოების შემცირებას ანალიტიკოსები ვენახის ფართობის შემცირებას უკავშირებენ. ანალოგიური სიტუაციაა ესპანეთშიც, სადაც ქვეყანამ მხოლოდ 36,5 მლნ. ჰექტოლიტრი ღვინის წარმოება შეძლო.
მიუხედავად იმისა, რომ წელს საფრანგეთმა საკმაოდ დიდი რაოდენობის ღვინო აწარმოა, ექსპერტების გათვლებით ღვინის ფასის კორექტირება არ მოხდება. დღეისათვის ევროკავშირის ქვეყნებში ერთი ბოთლი ფრანგული ღვინის ფასი 10 ევროა.
