საქართველოში `ბიზნესპლატფორმის~, ინვესტორთა მოზიდვისა და დამატებითი სამუშაო ადგილების შექმნის მიზნით შეიქმნა თავისუფალი ინდუსტრიული ზონები. როგორც მთავრობის ათ პუნქტიან გეგმაში აღნიშნულია, რომ საქართველოს მთავრობამ გაათავისუფლა ზონის ტერიტორიაზე მიღებული მოგება მოგების გადასახადისაგან, ზონის ტერიტორიაზე შექმნილი დამატებული ღირებულება _ დღგ-ისაგან და ზონის ტერიტორიაზე არსებული ქონება _ ქონების გადასახადისაგან და ეს ყოველივე კი იმის სანაცვლოდ, რომ ზონის ტერიტორიაზე და ტერიტორიის გარშემო, განვითარდეს ინფრასტრუქტურა (სასტუმრო, სამედიცინო, სარეკლამო, საექსპედიტორო, ექსპერტიზის და სხვა მრავალი მომსახურება) და
შედეგად შეიქმნას სამუშაო ადგილები. `ბიზნესპლატფორმის~ ერთ-ერთი მნიშვნელოვანი ელემენტი უნდა გახდეს საქართველოში რეგიონული მნიშვნელობის საბითუმო და საცალო სავაჭრო ცენტრების შექმნა. ასეთი ცენტრები უნდა შეიქმნას, როგორც არსებული ცენტრების რესტრუქტურიზაციის, ასევე ახალი ცენტრების შექმნის გზით. ასეთ ზონებში საგადასახადო ადმინისტრირებისა და ვაჭრობის გაიოლების მიზნით შეიქმნება სპეციალური, საგადასახადო თვალსაზრისით, გამჭვირვალე სავაჭრო ზონები.
