საქართველოს ეკონომიკისა და მდგრადი განვითარების სამინისტროში საქართველო-უკრაინის სატრანსპორტო საკითხების სამუშაო ჯგუფის მეორე სხდომა გაიმართა. შეხვედრაზე განხილულ იქნა ორ ქვეყანას შორის სარკინიგზო-საბორნე გადაზიდვების, საავტომობილო, საზღვაო და საჰაერო ტრანსპორტის სფეროებში არსებული მდგომარეობა და მათი შემდგომი პერსპექტივები. ამ კუთხით საქართველო-უკრაინის ურთიერთობების განვითარების საკითხს ორივე ქვეყნის წარმომადგენლები დადებითად აფასებენ.
შეხვედრის ბოლოს ხელი მოეწერა სხდომის შემაჯამებელ ოქმს. ოქმს ხელი მოაწერეს საქართველოს ეკონომიკისა და მდგრადი განვითარების მინისტრის პირველი მოადგილე არჩილ კეკელიამ და უკრაინის დელეგაციის ხელმძღვანელმა, ინფრასტრუქტურის მინისტრის მოადგილე ვლადიმერ კორნიენკო
