საქართველოს ეროვნული ბანკის ინფორმაციით, სექტემბერი, ისევე როგორც წინა თვე, საბანკო სექტორმა მოგებით დაამთავრა. წმინდა მოგებამ თვის შედეგებით 33.0 მლნ ლარი, ხოლო წლის დასაწყისიდან 215.0 მლნ ლარი შეადგინა.
ხუთი უმსხვილესი აქტივების მქონე ბანკის წილი საბანკო სექტორის მთლიან აქტივებში წინა თვესთან შედარებით 0.5 პროცენტული პუნქტით გაიზარდა და 78.6 პროცენტს მიაღწია.
2011 წლის 1-ლი ოქტომბრის მდგომარეობით, საქართველოს საბანკო სექტორი 19 კომერციული ბანკითაა წარმოდგენილი; მათ შორის 15 - საწესდებო კაპიტალში უცხოური კაპიტალის მონაწილეობით და 2 - უცხოური ბანკის ფილიალით.