"ამ კითხვის პათოსი არ მესმის, რადგან შრომის ანაზღაურების თანხა ყველა იმ ხალხს ხმარდება, რომელიც იმაზე მუშაობს, რომ სახელმწიფო პრიორიტეტები განხორციელდეს", - განაცხადა ფინანსთა მინისტმა ფრაქცია "ერთობა სამართლიანობისთვის" წევრების მიერ დასმულ შეკითხვის კომენტირებისას.

ოპოზიციას აინტერესებდა რა შედეგი მოიტანა ე.წ. ქამრების შემოჭერის პოლიტიკამ.

გვინდაძის განმარტებით, საქართველოში 140 ათასი საჯარო მოსამსახურეა, ეს არის: ცენტრალური და ადგილობრივი ხელისუფლება, ჯარი, პოლიცია და საჯარო სამართლის იურიდიული პირები, რომლებიც სახელმწიფო პოლიტიკას ახოციელებენ.

"საერთაშორისო სავალუტო ფონდის ერთ-ერთი ბოლო ანგარიში მაქვს წამოღებული, რომლის მიხედვით, 2010 წელს შრომის ანაღაურება იყო მთლიანი შიდა პროდუქტის 5,5%, 2011 წლის პროგნოზი დაახლოებით 4,9%-ია" - აღნიშნა ფინანსთა მინისტმა.

დიმიტრი გვინდაძის განცხადებით, ბოლო წლების განმავლობაში, შრომის ანაზღაურებაზე რეალური ასიგნება გამოირჩევა კლებადი ტენდენციით.