28 ოქტომბრიდან 30 ოქტომბერის ჩათვლით, ბათუმში სამშენებლო და დიზაინის საერთაშორისო გამოფენა გაიმართება. ეს არის სამშენებლო მასალების, დანადგარების, სამშენებლო აღჭურვილობისა და არქიტექტურული ტექნოლოგიების, ასევე ინტერიერისა და ექსტერიერის დიზაინის ყველაზე მნიშვნელოვანი გამოფენა საქართველოში. მასში მონაწილეობას მიიღებს სხვადასხვა ქვეყნიდან ჩამოსული კონსტრუქტორები, არქიტექტორები, ინჟინრები, დეკორატორები და დიზაინერები.
გარდა გამოფენისა, მსგავსი ტიპის ღონისძიება უზრუნველყოფს ამ სფეროში დაგროვილი ინფორმაციის ხელმისაწვდომობას და გამოცდილების გაზიარებას. სწორედ ამ მიზნით, გაიმართება შეხვედრები, რომლებშიც მონაწილეობას მიიღებს კვალიფიციური ექსპერტები სხვადასხვა თემატური დისკუსიების ირგვლივ.