შინაგან საქმეთა სამინისტრომ ბაღდათის რაიონში პოლიციის ახალი შენობა გახსნა. შსს-ს ინფორმაციით, 2010-2011 წლის განმავლობაში შინაგან საქმეთა სამინისტრომ საქართველოს სხვადასხვა რეგიონებში პოლიციის 64 ახალი შენობა გახსნა და აამოქმედა. ამ დროისთვის იმერეთის რეგიონში პოლიციის ცხრამეტი ახალი შენობა მოქმედებს, რომლებიც აღჭურვილია უახლესი კომპიუტერული ტექნიკით და არის სრულიად გამჭირვალე.
ამ დროისთვის ხსენებულ რეგიონში ფუნქციონირებას იწყებს ბაღდათის რაიონული პოლიციის სამმართველოს ორ სართულიანი ახალი შენობა, სადაც 27 პოლიციის თანამშრომელი იმუშავებს. აღნიშნული პოლიციის სამმართველო მოემსახურება ბაღდათის რაიონის ყველა შემდეგ სოფლებს: საკრაულა, ზეგანი, ხანი, დიმი, პირველი ოფჩა, მეორე ოფჩა, მერგეეთი, ფერსაათი, წითელხევი, რუხი, ვარციხე, დიდველა.
აღნიშნული შენობა მსგავსად სხვა განყოფილებებისა აღჭურვილია უახლესი ტექნიკით და სრულიად გამჭირვალეა.
შენობის გახსნას საქართველოს შინაგან საქმეთა მინისტრი, ივანე მერაბიშვილი, იმერეთის რეგიონის გუბერნატორი, ლაშა მაქაცარია და საქართველოს პარლამენტის თავმჯდომარე, დავით ბაქრაძე ესწრებოდნენ.
