ხვალ, 28 ოქტომბერს, უკრაინის ვიცე პრემიერ-მინისტრ სერგეი ტიგიპკოს საქართველოში ვიზიტის ფარგლებში, სასტუმრო Holiday Inn-ში საქართველო უკრაინის ერთობლივი სამთავრობათაშორისო ეკონომიკური კომისიის მე-6 სხდომა და ბიზნესფორუმი გაიმართება.
10:50-11:00 საათზე დაგეგმილია საქართველოს ვიცე-პრემიერის გიორგი ბარამიძისა და უკრაინის ვიცე პრემიერ-მინისტრ სერგეი ტიგიპკოს პირისპირ შეხვედრა. 11:00-12:45 საათზე იგეგმება, საქართველო-უკრაინის ერთობლივი სამთავრობათშორისო ეკონომიკური კომისიის მეექვსე პლენარული სხდომა.
11:00-11:05 საათზე, სამთავრობათშორისო ეკონომიკური კომისიის სხდომაზე, დაგეგმილია გიორგი ბარამიძის, ხოლო 11:05-11:10 საათზე სერგეი ტიგიპკოს მისასალმებელი სიტყვით გამოსვლა.
11:40-12:10 საათზე გათვალისწინებულა, საქართველო-უკრაინის მთავრობათაშორისი კომისიის პასუხსიმგებელი მდივნების მიერ ექსპერტთა ჯგუფის მიერ გაწეული მუშაობის შემაჯამებელი შეფასება და დღისწესრიგით გათვალისწინებული საკითხებზე საქართველოსა და უკრაინის ოფიციალური დელეგაციების წარმომადგენელთა შორის მოსაზრებათა ურთიერთგაცვლა.
12:10- 12:20 საათზე გაიმართება სხდომის ოქმზე ხელმოწერა. ხოლო 12:20-12:45 საათზე დაგეგმილია ერთობლივი პრესკონფერენცია.
15:30 -16:00 საათზე სასტუმრო Holiday Inn-ში დაგეგმილია საქართველო-უკრაინის ბიზნეს ფორუმის საზეიმო გახსნა; ფორუმზე მისასალმებელი სიტყვით გამოვლენ, საქართველოს პრემიერ-მინისტრი ნიკა გილაური; ვიცე-პრემიერ მინისტრი, უკრაინის სოციალური პოლიტიკის მინისტრი ბატონი სერგეი ტიგიპკო; საქართველოს სავაჭრო-სამრეწველო პალატის პრეზიდენტი კახა ბაინდურაშვილი; საქართველოს ვიცე პრემიერ-მინისტრი გიორგი ბარამიძე და "რეფორმატორთა კლუბის" პრეზიდენტი ისკანდერ ხისამოვი.